शहरांमध्ये कबुतरांची संख्या वाढली की, समस्याही वाढतात. बाल्कनी, खिडक्या आणि छतांवर बसून कबुतरे घाण करतात. कबुतरे एका जागेवर बसल्यानंतर विष्ठा सोडतात. कबुतरांच्या विष्ठेमुळे रोगराई पसरते. कधी कधी कबुतरे मौल्यवान फुलांच्या कुंड्या पाडून त्यांचे नुकसान देखील करतात. कबुतरांना पळवून लावणं गरजेचं आहे. जर आपण कबुतरांपासून होणाऱ्या त्रासापासून त्रस्त असाल तर, काही घरगुती टिप्स फॉलो करून पाहा. कबुतरे पुन्हा गॅलरीजवळ फिरकणार नाही.

युट्युबर सविता शेखावत यांनी कबुतरांना पळवून लावण्यासाठी अतिशय सोपी आणि प्रभावी घरगुती उपाय शेअर केला आहे. कबुतरांना जर पळवून लावायचं असेल तर, स्वस्त आणि प्रभावी उपाय म्हणजे ब्लॅक पॉलिथिन. अर्थात काळ्या रंगाची पिशवी. काळ्या रंगाची पिशवी वापरून आपण कबुतरांना पळवून लावू शकता.

यासाठी आपल्याला एक काळ्या पॉलिथिनची गरज आहे. दोन्ही टोकांना एक काळा धागा बांधा. ही काळी पिशवी खिडकीला बांधा. गडद रंग पाहून कबुतरे खिडकीवर किंवा बाल्कनीमध्ये पुन्हा बसणार नाही. आपण या युक्तीचा वापर करून पैशांची बचत करू शकता.

जर, तुम्हाला वाटत असेल काळ्या पिशवीमुळे तुमच्या बाल्कनीचं सौंदर्य कमी होत असेल तर, बाल्कनीमध्ये विंडचाइम लावा. चांगला आवाज असलेला विंडचाइम घरात किंवा बाल्कनीमध्ये लावा. कबुतरांना सततचे आवाज आवडत नाही. या आवाजामुळे कबुतरे पुन्हा बाल्कनीमध्ये फिरकणार नाही.