Shukra Che Rashi Parivartan : ज्योतिषशास्त्रानुसार प्रत्येक ग्रह विशिष्ट वेळेनुसार त्याची दिशा बदलत असतो. ग्रहांच्या संक्रमणामुळे अनेक राशींवर त्याचा परिणामही पाहायला मिळतो. शुक्र ग्रहाला ऐश्वर्य व भौतिक सुखाचा कारक मानले जाते.

सध्या शुक्र हा कर्क राशीत असून ७ जुलैला तो सिंह राशीत प्रवेश करणार आहे. शुक्राच्या या संक्रमणामुळे 3 राशीच्या लोकांसाठी येणारा महिना खूप कठीण जाणार आहे. त्यांना त्यांच्या वैयक्तिक आयुष्यात आणि करिअरमध्ये अनेक प्रकारचे नुकसान सहन करावे लागू शकते. चला जाणून घेऊया त्या कोणत्या राशी आहेत

1. वृश्चिक

या राशीच्या लोकांना जवळच्या व्यक्तीपासून थोडे सावध राहावे लागणार आहे. तुमचा विश्वासघातही होऊ शकतो. आरोग्याची (Health) काळजी घ्या. बाहेरचे खाणे टाळा. व्यवसायात नुकसान होण्याची शक्यता आहे. कामाच्या ठिकाणी वाद होऊ शकतो. नोकरीमध्ये तुम्हाला नवीन आव्हानांना सामोरे जावे लागू शकते. कुठेही गुंतवणूक (Investment) करणे टाळा.

2. मकर

या राशींना करिअरमध्ये पुढे जाण्यासाठी कठोर परिश्रम करावे लागणार आहे. व्यवसाय-धंद्यात अनेक आव्हानांना सामोरे जावे लागेल. सिक्रेट सांगताना थोडी सावधगिरी बाळगा. कर्ज (Loan) किंवा नवीन व्यवसाय सुरु करण्याच्या विचार सध्या करु नका.

3. मीन

मीन राशीच्या लोकांसाठी शुक्र गोचर अशुभ असणार आहे. कामाच्या ठिकाणी वरिष्ठांशी वाद होऊ शकतो. प्रेमसंबंधात अडचणी येऊ शकतात. शारीरिक व मानसिक त्रासाला सामोरे जावे लागणार आहे. अचानक खर्च वाढू शकतो. बोलण्यावर नियंत्रण ठेवा.

टीप : येथे दिलेली माहिती धार्मिक मान्यता आणि गृहितकांवर आधारित आहे. साम टीव्ही त्याचे समर्थन करत नाही.