Shardiya Navratri Recipe 2022 : हिंदू धार्मिक सणांमधील नवरात्री उत्सवाला अधिक महत्त्व आहे. या नऊ दिवसांत नवदुर्गेची पूजा केली जाते. आजपासून नवरात्री (Navratri) उत्सवाला सुरुवात झाली आहे. आज देवी शैलपुत्रीची पहिली माळ असून उद्या दुसरी माळ आहे.

उद्या देवी ब्रम्हचारीणीचा दिवस असून ही तिची मनोभावे पूजा केली जाते. तिला भक्ती आणि तपश्चर्येची माता म्हणूनही ओळखले जाते. तिचा आशीर्वाद मिळवण्यासाठी साखरेचे पदार्थ अर्पण केला जातो. तिचे हे रूप देवी पार्वतीचे प्रतीक आहे जेव्हा ती भगवान शिवाला प्रसन्न करण्यासाठी अनेक वर्षे ध्यानात गुंतलेली होती. तिच्या उजव्या हातात जपमाळ (रुद्राक्ष माळ) आणि डाव्या हातात कमंडलू असलेली पांढरी वस्त्रे सजलेली आहेत. तिचा आवडता रंग लाल आहे.

या नऊ दिवसात नवदुर्गेला प्रसन्न करण्यासाठी तिला तिच्या आवडीचा प्रसाद अर्पण केला जातो. नऊ दिवसात नवदुर्गेचा उपवास केला जातो. या दिवसात कोणते उपवासाचे पदार्थ (Food) बनवायला हवे हे जाणून घेऊया.

शिंघाड्याच्या पिठाचा हलवा

साहित्य -

शिंघाड्याचे पीठ - १ कप

तूप - ४ चमचे

साखर - ३/४ वाटी

वेलची पावडर - १/२ चमचा

बदाम व पिस्ता काप - १ चमचा

साहित्य -

-एका बोर्ड नॉन-स्टिक पॅनमध्ये तूप गरम करा, त्यात शिंघाड्याचे पीठ घाला आणि मंद आचेवर ४ मिनिटे किंवा हलका तपकिरी रंग येईपर्यंत भाजून घ्या.

- त्यानंतर त्यात २ कप कोमट पाणी घाला, चांगले ढवळून आणि मंद आचेवर आणखी ४ मिनिटे शिजवा किंवा सर्व पाणी शोषले जाईपर्यंत, सतत ढवळत राहा.

- साखर घालून चांगले मिसळा आणि सतत ढवळत असताना मंद आचेवर आणखी ४ मिनिटे शिजवा.

- गॅस बंद करून त्यात वेलची पूड घाला आणि मिक्स करा.

- वरुन बदाम व पिस्त्याचे काप घालून देवीला अर्पण करा.