Mirror Placement Vastu saam tv
लाईफस्टाईल

Vastu Shastra For Mirror: घरात आरसा कोणत्या भिंतीवर लावावा? 'या' ठिकाणी चुकूनही लावू नका, वास्तुशास्त्रात सांगितलेत नियम

Mirror Placement Vastu: वास्तुशास्त्रानुसार घरात आरसा कोणत्या दिशेला लावावा? मुख्य दरवाजासमोर, बेडरूममध्ये किंवा दक्षिण-पश्चिम दिशेला आरसा लावताना कोणती काळजी घ्यावी? जाणून घ्या घरात सकारात्मक ऊर्जा टिकवण्यासाठी आरसा लावण्याचे ५ महत्त्वाचे वास्तु नियम आणि टाळावयाच्या चुका.

Surabhi Jayashree Jagdish

घर छान डेकोरेट करताना अनेक जण आरशाचा वापर करतात. आरशामुळे खोली मोठी आणि उजळ दिसण्यास मदत होते. पण घरात आरसा लावताना तो नेमका कोणत्या दिशेला आणि कोणत्या भिंतीवर लावावा, याकडेही लक्ष देणं गरजेचं आहे.

वास्तुशास्त्रानुसार, आरसा लावण्याची योग्य दिशा महत्त्वाची मानली जाते. योग्य ठिकाणी आरसा लावल्यास घरात सकारात्मक ऊर्जा वाढण्यास मदत होते अशी मान्यता आहे. तर चुकीच्या ठिकाणी आरसा लावल्यास घरातील सकारात्मक वातावरणावर परिणाम होऊ शकतो, असं वास्तुशास्त्र सांगण्यात आलंय.

बेडरूम, घराचा मुख्य दरवाजा आणि दक्षिण-पश्चिम दिशा या ठिकाणी आरसा लावताना काही गोष्टी लक्षात ठेवण्याचा सल्ला दिला जातो. त्यामुळे घरात आरसा लावण्यापूर्वी वास्तुशास्त्राचे हे ५ नियम जाणून घ्या.

उत्तर किंवा पूर्व दिशेच्या भिंतीवर लावा आरसा

वास्तुशास्त्रानुसार घरात आरसा लावण्यासाठी उत्तर आणि पूर्व दिशा चांगली मानली जाते. उत्तर दिशा ही धन आणि समृद्धीशी जोडली जाते. तर पूर्व दिशा ही सूर्यप्रकाश आणि सकारात्मकतेचे प्रतीक मानली जाते. त्यामुळे घरात आरसा लावायचा असल्यास उत्तर किंवा पूर्व दिशेच्या भिंतीला प्राधान्य द्यावं, असं वास्तुशास्त्रात सांगितलं जातं.

मुख्य दरवाजाच्या अगदी समोर आरसा लावू नका

घराच्या मुख्य दरवाजाच्या अगदी समोर आरसा लावणं टाळावं, अशी वास्तुशास्त्रात मान्यता आहे. घराच्या दरवाजातून येणारी सकारात्मक ऊर्जा आरशामुळे पुन्हा बाहेर जाऊ शकते, असं मानलं जातं. त्यामुळे मुख्य दरवाजाच्या समोर आरसा लावण्याऐवजी बाजूच्या भिंतीवर तो लावणे योग्य मानलं जातं.

बेडच्या समोर आरसा लावणं टाळा

बेडरूममध्ये आरसा लावताना विशेष काळजी घेण्याचा सल्ला दिला जातो. बेडवर झोपलेल्या व्यक्तीचं प्रतिबिंब आरशात दिसणार नाही अशा ठिकाणी आरसा लावावा. वास्तुशास्त्रानुसार बेडचं प्रतिबिंब आरशात दिसणं योग्य मानलं जात नाही. यामुळे अस्वस्थता आणि झोपेच्या समस्या निर्माण होऊ शकतात, अशी मान्यता आहे.

तुटलेला किंवा तडा गेलेला आरसा

घरात तुटलेला किंवा तडा गेलेला आरसा ठेवणं वास्तुशास्त्रानुसार अशुभ मानलं जातं. त्यामुळे घरातील आरसा फुटला असेल किंवा त्याला कुठे तडा गेला असेल तर तो लवकर बदला. खराब झालेला आरसा घरात ठेवणं टाळावं असा सल्ला दिला जातो.

दक्षिण-पश्चिम दिशेला आरसा लावणं टाळा

वास्तुशास्त्रानुसार घराच्या दक्षिण आणि विशेषतः दक्षिण-पश्चिम दिशेला आरसा लावणे चांगले मानले जात नाही. त्यामुळे या दिशेला आरसा लावण्याऐवजी उत्तर किंवा पूर्व दिशेच्या भिंतीची निवड करावी, असे सांगितले जाते.

आरसा लावताना या गोष्टीही लक्षात ठेवा

घरात आरसा लावताना फक्त त्याची दिशा पाहणं पुरेस नाही. आरसा नेहमी स्वच्छ आणि चांगल्या स्थितीत ठेवणंही महत्त्वाचं मानलं जातं. वास्तुशास्त्रानुसार, आरशात कोणत्या गोष्टींचे प्रतिबिंब दिसतं, यालाही महत्त्व आहे. त्यामुळे आरशात कचरा, पसारा, तुटलेल्या वस्तू किंवा अस्वच्छ जागा दिसणार नाही, याची काळजी घ्यावी.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra News Live Update: खासदार ओमराजे निंबाळकर अमित शाह यांच्या भेटीसाठी हॉटेलमध्ये दाखल

Shocking: अवकाशातून शेतात कोसळला 7 किलोचा बर्फाचा गोळा, सांगलीकर प्रचंड घाबरले; पाहा VIDEO

Type 2 Diabetes: घरच्या जेवणानेही होऊ शकतो टाईप-2 डायबेटीस; काय आहे कारण? तज्ज्ञांनी सांगितलं कोणाला अधिक धोका

5 Detox Drink For Weight Loss: वजन कमी करण्यासाठी प्या 5 डिटॉक्स ड्रिंक्स, घरी बनवण्याची रेसिपी सोपी

Namo Shetkari Yojana : तुमचेही ६ हजार रुपये अडकलेत का? ९१ लाख शेतकऱ्यांसाठी मोठी अपडेट, आत्ताच चेक करा

SCROLL FOR NEXT