Nothing Phone 2 Launched : Nothing Phone 2 ची प्रतीक्षा संपली आहे. हा फोन मजबूत स्पेसिफिकेशन्ससह भारतीय बाजारात लॉन्च करण्यात आला आहे. कंपनीने 100 टक्के पुनर्नवीनीकरण केलेल्या अॅल्युमिनियम नवीन ग्लायफ इंटरफेस डिझाइन, OLED डिस्प्ले आणि Qualcomm Snapdragon 8+ Gen 1 प्रोसेसरसह नथिंग फोन (2) सादर केला आहे. नथिंगच्या या लेटेस्ट स्मार्टफोनच्या किंमती, स्पेसिफिकेशन्स आणि फीचर्सबद्दल येथे जाणून घेऊया.

किंमत आणि विक्री तपशील

Nothing चा लेटेस्ट स्मार्टफोन (Smartphone) तीन व्हेरियंटमध्ये लॉन्च करण्यात आला आहे. या फोनचा बेस व्हेरिएंट 8GB रॅम + 128GB स्टोरेज सह 44,999 रुपये किमतीत सादर करण्यात आला आहे. यासह, 12GB रॅम + 256GB स्टोरेजसह मिड वेरिएंटची किंमत 49,999 रुपये आहे आणि 12GB रॅम + 512GB स्टोरेजसह टॉप एंड व्हेरिएंटची किंमत 54,999 रुपये आहे.

नथिंग फोन (2) च्या प्री-ऑर्डर भारतात आधीच सुरू झाल्या आहेत. ज्या वापरकर्त्यांनी हा फोन प्री-ऑर्डर केला आहे त्यांच्यासाठी 20 जुलै रोजी सेल होणार आहे. त्याच वेळी, फोनचा खुला सेल 21 जुलै रोजी दुपारी 12 वाजल्यापासून Flipkart आणि काही रिटेल आउटलेटवर असेल.

फीचर्स

नथिंग फोन (2) च्या डिझाईनबद्दल बोलायचे तर हा कंपनीच्या (Company) पहिल्या फोनसारखाच आहे. जरी कंपनीने अधिक एलईडी लाईट्ससह आपला ग्लिफ इंटरफेस पुन्हा डिझाइन केला आहे. Nothing Phone (2) मध्ये 6.7-इंचाचा OLED डिस्प्ले आहे, ज्याचा रिफ्रेश दर 120Hz आणि टच सॅम्पलिंग दर 240Hz आहे. फोनचा डिस्प्ले HDR10+ आणि कॉर्निंग गोरिल्ला ग्लास संरक्षणासह येतो.

Nothing ब्रँडचा दुसरा फोन Qualcomm Snapdragon 8+ Gen 1 प्रोसेसरसह येतो. कंपनीचे म्हणणे आहे की फोन (2) पूर्वीच्या तुलनेत 80 टक्के कामगिरीसह केली आहे. हा फोन 12GB पर्यंत रॅम आणि 512GB पर्यंत स्टोरेजसह येईल.

कॅमेरा

कॅमेरा फीचर्सबद्दल बोलायचे झाले तर नथिंग फोन (2) मध्ये ड्युअल रियर कॅमेरा (Camera) सेटअप देण्यात आला आहे, ज्यामध्ये 50MP Sony IMX890 प्राइमरी सेन्सर देण्यात आला आहे. हे ऑप्टिकल इमेज स्टॅबिलायझेशन (OIS) आणि इलेक्ट्रॉनिक इमेज स्टॅबिलायझेशन (EIS) चे सपोर्ट करते. मागील पॅनलमध्ये 50MP Samsung JN1 अल्ट्रा-वाइड अँगल सेन्सर आहे. फोनच्या फ्रंटमध्ये 32MP सेल्फी कॅमेरा देण्यात आला आहे. कॅमेरा फीचरबद्दल बोलायचे तर, यात मोशन कॅप्चर 2.0, 2X सुपर-रेझ झूम, 4K व्हिडिओ आणि अॅक्शन मोड आहे.

बॅटरी

यात 4700mAh बॅटरी आहे, जी 45W वायर्ड फास्ट चार्जिंग आणि 15W वायरलेस चार्जिंगला सपोर्ट करते. यासोबतच फोनमध्ये 5W रिव्हर्स चार्ज देखील सपोर्ट आहे.

Nothing's लेटेस्ट फोन (2) Android 13 वर आधारित Nothing OS 2.0 वर चालतो. कंपनीचे म्हणणे आहे की फोनसाठी अँड्रॉइड अपडेट तीन वर्षांसाठी जारी केले जातील. यासोबतच कंपनी चार वर्षांसाठी दर महिन्याला सिक्युरिटी अपडेट्स जारी करेल.

फोनच्या इतर फीचर्सबद्दल बोलायचे झाल्यास, यामध्ये 5G, Wi-Fi 6 कनेक्टिव्हिटीसह इन-डिस्प्ले फिंगरप्रिंट सेंसर असेल. हा फोन IP54 रेटिंगसह येतो.