पावसाळा असो किंवा हिवाळा घरात पाली येतात. घरातील कोपऱ्यात किंवा बल्बखाली पाली दिसतात. पालींना पळवून लावण्यासाठी बाजारात अनेक स्प्रे उपलब्ध आहेत. ज्यात केमिकलचे प्रमाण जास्त असते. या स्प्रेमुळे पाली घर सोडून जातही असतील, पण केमिकलमुळे आरोग्याला धोका निर्माण होऊ शकतो. जर आपल्याला घरातून पाली पळवून लावायच्या असतील तर, घरगुती स्प्रे तयार करा.

पालींना पळवून लावण्यासाठी घरगुती स्प्रे तयार करा

लसूण आणि कांदा - पालींना लसूण आणि कांद्याचा तीव्र वास आवडत नाही.

लवंग - लंवगाच्या तिखट वासामुळे पाली पळून जातात.

घरगुती स्प्रे तयार कसे करावे?

सर्वात आधी, ४ ते ५ लसूण पाकळ्या आणि १ कांदा बारीक चिरून घ्या. एका बाऊलमध्ये काढून घ्या. त्यात लवंग पावडर घालून मिक्स करा. आपण जास्त लवंग पावडर घालू शकता.

शेवटी त्यात १ रूपयांचे छोटे शॅम्पूचे पॅकेट घाला आणि सर्वकाही चांगले मिक्स करा. त्यात थोडं पाणी घाला आणि स्प्रे बॉटलमध्ये भरा. अशा पद्धतीने घरगुती पालींना पळवून लावणारे स्प्रे तयार. पाली नियमित ज्या ठिकाणी येतात, त्या ठिकाणी स्प्रे फवारा. तसेच भीतींच्या कोपऱ्यावर, स्वयंपाकघर आणि स्टोअर रूममध्येही स्प्रे फवारा. या मिश्रणाच्या तीव्र वासामुळे पाली घरातून पळ काढतील.