नवीन वर्ष ही नवीन सुरुवात करण्याची संधी आहे. या संधीचा फायदा घेऊन जीवनात सकारात्मक बदल घडवून आणता येतात. यासाठी लोक नववर्षाला नवे संकल्प करतात. नववर्षात संकल्प करण्याची परंपरा ही आत्मविकास, आत्मनिरीक्षण आणि सकारात्मक बदलाचे प्रतीक आहे. अशा परिस्थितीत स्वत:ला दिलेली वचने तुम्हाला तुमचे ध्येय साध्य करण्यासाठी प्रेरित करतात. तुमचे करिअर, आरोग्य, जीवन तसेच तुमच्या कुटुंबाच्या आनंदासाठी तुम्ही स्वतःला काही वचने देऊ शकता.

पालकांनी आपल्या मुलांच्या उज्ज्वल भविष्यासाठी काही सकारात्मक संकल्प करण्याची ही एक विशेष संधी आहे. मुलांच्या संगोपनात पालकांची भूमिका सर्वात महत्त्वाची असते. म्हणूनच, जर तुम्हाला तुमच्या मुलांनी एक चांगली व्यक्ती बनवायचे असेल आणि जीवनात यशस्वी व्हायचे असेल, तर या नवीन वर्षात स्वतःला ही 5 वचने द्या. तसेच मुलांना ही काही गोष्टींचे आत्तापासून ज्ञान द्या. ज्याचा फायदा त्यांना भविष्यात पुढे जाण्यासाठी होईल.

मुलांना वेळ देणे :

प्रत्येक मुलाला चांगले संस्कार आणि शिक्षणासाठी घेताना त्यांच्याजवळ चांगले पालक असणं खूप महत्त्रवाचं आहे. आजच्या युगात विभक्त कुटुंबे आणि आई-वडील दोघेही नोकरी करत असल्याने मुलांना त्यांच्या पालकांकडून हवा तसा वेळ मिळत नाही. मुलांचे संगोपन करण्यासाठी पालक जास्त वेळ देऊ शकत नाहीत. 2025 मध्ये तुम्हाला तुमच्या मुलाच्या आयुष्यात सकारात्मक बदल हवा असेल, तर पालकांनी स्वतःला वचन दिले पाहिजे की या वर्षी तुम्ही मुलांसोबत जास्त वेळ घालवाल. मुलांना तुमच्या सहवासाची गरज आहे. त्यांच्यासोबत खेळा, त्यांना अभ्यास करण्यास मदत करा आणि त्यांच्या कल्पना ऐका. हे तुमचे आणि तुमच्या मुलांमध्ये अधिक दृढ नाते निर्माण करेल आणि त्यांना अधिक आत्मविश्वास देईल.

एक सकारात्मक उदाहरण :

मुले सहसा त्यांच्या पालकांना जे काही काम करताना पाहतात त्यावरून शिकतात. या वर्षी संकल्प करा की तुम्ही तुमच्या मुलांसाठी चांगले उदाहरण ठेवाल. तुमच्या वर्तनात शिस्त, प्रामाणिकपणा आणि दयाळूपणा या गुणांचा समावेश करा जेणेकरून तुमचे मूलही हे गुण अंगीकारेल आणि एक चांगली व्यक्ती बनेल.

डिजिटल वेळ मर्यादित करेल:

आजकाल मुलं जास्त वेळ स्क्रीनसमोर म्हणजे टीव्ही, मोबाइल किंवा लॅपटॉपवर घालवतात. पालक स्वत: दिवसाचा बराचसा वेळ मोबाईल फोन वापरत घालवतात. तुम्ही तुमचा फोन आणि टीव्ही कमी वापराल आणि तुमच्या मुलांना मर्यादित कालावधीसाठी डिजिटल उपकरणे वापरण्याची परवानगी द्याल या वचनाने या वर्षाची सुरुवात करा. त्यांना बाह्य क्रियाकलाप आणि पुस्तकांसाठी प्रोत्साहित करा.

मानसिक आरोग्याची काळजी

पालक शारीरिक आणि मानसिक आरोग्याची काळजी घेतील आणि 2025 साठी प्रतिज्ञा घेतील की ते आपल्या मुलांना निरोगी जीवनशैली अंगीकारण्यासाठी प्रेरित करतील. नियमित व्यायाम, योगासने आणि संतुलित आहार याला तुमच्या दिनचर्येचा भाग बनवा. मुलाच्या शारीरिक विकासासोबतच मानसिक आरोग्याकडेही लक्ष दिले जाईल. ही वचने पाळल्याने, तुम्ही तुमच्या मुलांच्या जीवनात केवळ सकारात्मक बदलच आणणार नाही, तर तुमच्या कुटुंबासोबतचे नातेही घट्ट कराल.

मुलांच्या भावना समजणे

मुलांच्या भावना समजून घ्याघेणे आणि त्यांच्या भावनांचा आदर करणे खूप महत्वाचे आहे. या वर्षी वचन द्या की तुम्ही त्यांचे विचार आणि भावना समजून घेण्याचा प्रयत्न कराल. यामुळे मुले तुमच्याशी मोकळेपणाने बोलतील आणि त्यांचा मानसिक विकास होण्यास मदत होईल.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.

Written By : Sakshi Jadhav