Bones Weak :

हिवाळ्यात बरेचदा चालताना, उठता-बसता हाडांमधून आवाज येतो. अशावेळी मजबूत हाडांसाठी संतुलित आहार हा अधिक महत्त्वाचा असतो. बदलेली जीवनशैली, चुकीच्या खाण्यापिण्याच्या सवयींमुळे हाडे दुखीच्या समस्यांना समोरे जावे लागते.

वाढत्या वयात हाडे दुखीच्या समस्या अधिक प्रमाणात बळावतात. अशावेळी शरीराची विशेष काळजी घेणे गरजेचे आहे. हाडे हा आपल्या शरीरातील एक महत्त्वाचा भाग आहे. त्यामुळे शरीराला योग्यप्रकारे रचना मिळते. चुकीच्या खाण्यापिण्याच्या सवयींमुळे हाडे कमकुवत होतात. त्यामुळे जाणून घेऊया कोणते पदार्थ आहारातून वगळायला हवे हे जाणून घेऊया. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

1. गोडाचे पदार्थ

जास्त प्रमाणात गोडाचे पदार्थ खाल्ल्याने आरोग्यावर (Health) परिणाम होतो. साखरेचे अतिप्रमाणात सेवन केल्यास आरोग्यासाठी अंत्यत हानिकारक मानले जाते. कॅन केलेले किंवा पॅकबंद खाद्यपदार्थांमध्ये साखर (Sugar) मिसळली जाते. ज्यामुळे हाडांना मोठ्या प्रमाणात नुकसान होते.

2. सॉफ्ट ड्रिंक्स

आपल्यापैकी बहुतांश लोकांना सॉफ्ट ड्रिंक्स पिण्याची आवड असते. साखरेसोबत त्यात फॉस्फोरिक अॅसिड असते. जे शरीरातून कॅल्शियम शोषून घेते. ज्यामुळे हाडे कमकुवत होतात.

3. लोह

लोह आरोग्यासाठी फायदेशीर (Benefits) आहे. परंतु, जास्त प्रमाणात सेवन केल्यास हाडांसाठी हानिकारक ठरते. शरीरातील अतिरिक्त लोह कॅल्शियमच्या शोषणात अडथळा आणते. ज्यामुळे हाडे कमकुवत होतात.

4. मीठ

मीठ नेहमी मर्यादित प्रमाणात सेवन करावे. जास्त मीठ खाल्ल्याने हाडे कमजोर होतात. बरेच लोक प्रक्रिया केलेले आणि फास्ट फूड खातात. ज्यामध्ये सगळ्यात जास्त मीठ असते. ज्यामुळे हाडांच्या गंभीर समस्यांना समोरे जावे लागते.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा