Narali Purnima : श्रावणातील ही पौर्णिमा हिंदू धर्मातील सगळ्यात महत्त्वाची मानली जाते. या पौर्णिमेला नारळी पौर्णिमा असे म्हणतात. हा सण प्रामुख्याने महाराष्ट्र, गुजरात आणि दक्षिण भारतात काही राज्यांमध्ये खूप मोठ्या उत्साहात साजरा केला जातो.

या विशेष दिवशी वरुण देवाची पूजा (Puja) केली जाते. असे मानले जाते की नारळी पौर्णिमेच्या दिवशी समुद्राचा देव वरुण देव मच्छीमारांवर प्रसन्न होतो. मच्छीमार हा सण साजरा करतात जेणेकरून त्यांच्या घरात आनंद, शांती आणि आशीर्वाद सदैव राहील.

नारळी पौर्णिमेला वरुण देवीची पूजा केली जाते -

नारळी पौर्णिमेला 'श्रावण पौर्णिमा' असेही म्हणतात. कारण या दिवशी पूजेत नारळाचा विशेष वापर केला जातो. या दिवशी लोक वरुण आणि महासागरातील देवतांची पूजा करतात.

या दिवशी लोक ताजे नारळ, फुले, अक्षता, सुगंधित धूप, आरतीचे ताट आणि प्रसाद घेऊन समुद्रकिनारी जातात आणि त्यांना अर्पण करतात. यासोबतच पाण्यात अंघोळ करण्याचेही पारंपरिक महत्त्व आहे.

या दिवशी काही लोक (People) वरुण देवाशिवाय शिव आणि पार्वतीची पूजा करतात आणि शिवलिंगाला पाणी, दूध, तूप आणि नारळाच्या पाण्याने स्नान घालतात. हा दिवस शिव-पार्वतीच्या महत्त्वाचा मानला जातो, त्यामुळे काही ठिकाणी शिवलिंगाची देवी पार्वतीसोबत जोडून पूजा केली जाते.

धार्मिक सणांसोबतच लोक हा दिवस रंगीबेरंगाचे कपडे (Cloths), जत्रा आणि आनंदाने साजरा करतात. लोक संगीत आणि विशेषतः लोकनृत्य सादर करून या दिवसाचा आनंद घेतात. नारळी पौर्णिमेच्या दिवशी भजन, कीर्तन, आरती आणि उपासनेच्या निमित्ताने लोक जमतात आणि हा सण साजरा करतात.