अभिनेत्री हिना खानला ब्रेस्ट कॅन्सर झाल्याने त्यावर ती उपचार घेत आहे. हा उपचार सुरू असतानाच आता तिला आणखी एक म्यूकोसिटिस नावाचा आजार असल्याचं निदान झालं आहे. हिनाला झालेला आजार नेमका काय आहे? तो कसा होतो? त्याची लक्षणे आणि यातून बरे होण्यासाठी काय केले पाहिजे याची माहिती आज जाणून घेणार आहोत.

म्यूकोसिटिस काय आहे?

कॅन्सरवर उपचार घेत असताना काही व्यक्तींना हा आजार होतो. यामध्ये तोंडात, जिभेवर किंवा अन्न नलिकेत सुज येते, तसेच नंतर जखम तयार होते. शक्यतो हा आजार कॅन्सरवर उपचार घेणाऱ्या लहान मुलांमध्ये जास्त दिसून येतो.

म्यूकोसिटिसची लक्षणे काय?

ओठांना सुज येणे.

जिभेवर किंवा जिभेखाली सुज येते आणि त्रास होतो.

अन्न नलिकेमध्ये सुज येते आणि घसा दुखू लागतो.

तोंडात प्रमाणापेक्षा जास्त लाळ जमा होते.

तोंडात तसेच घशात सफेद डाग पडून जखम तयार होते.

दात दुखतात तसेच हिरड्यांमधून रक्त येऊ लागतं.

म्यूकोसिटिस आजारावर उपाय काय?

कॅन्सरच्या रुग्णात अशी लक्षणे दिसताच संबंधित डॉक्टरांशी सपर्क साधावा.

त्यानंतर डॉक्टरांकडून या जखमांचे निरिक्षण करून याची कॅटिगीरी ठरवली जाते.

यावर इन्फेक्शन कमी करण्यासाठी आधी सौम्य औषध दिलं जातं.

तसेच औषधांमध्ये आणि डाएटमध्ये बदल केला जातो.

ओरल हायजीनची काळजी घेण्यास सांगितले जाते.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.