Mental Stress Reason :

जगभरातील ९० टक्के लोक सध्या मानसिक तणावच्या विळख्यात सापडले आहे. सध्याच्या धावपळीच्या जीवनशैलीत बरेचदा आपल्याला ताण-तणांवाचा सामना करावा लागतो.

ऑफिसचे काम, सतत चिडचिड होणे, जबाबदाऱ्या, आजारपण, झोपेची कमतरता यामुळे आपल्या मनावर अधिक ताण येतो. सातत्याने ताण-तणावात राहिल्याने शरीर आणि मनासाठी अधिक घातक असते. परंतु, सध्याच्या जीवनशैलीत चिंता आणि तणावाचा सामना करणे हे अनेकांना सामान्य वाटते. प्रत्येक वयोगटातील लोक हे हल्ली मानसिक तणावाचा शिकार झाले आहे. सतत डोक्यात येणाऱ्या नकारात्मक विचारांना कसे थांबवायचे हे जाणून घेऊया.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

1. ताण म्हणजे काय?

तणाव (Stress) हा एक प्रकारचा मानसिक विकार आहे. या नकारात्मक विचाराने आपल्या मनावर अधिराज्य गाजवल्यास आपल्या मानसिक स्थितीवर वाईट परिणाम होतो. ज्यामुळे मेंदू नीट काम करत नाही. सतत आपली चिडचिड होते. त्यामुळे या परिस्थितीवर सहज मात करता येत नाही.

2. तणावाची लक्षणे

डोकेदुखी (Headache), नकारात्मक विचार येणे, काम करण्यात रस नसणे, झोप न येणे, भूक न लागणे, स्वत:वर विश्वास नसणे, सतत चिडचिड होणे

3. तणावापासून स्वत:ला दूर कसे ठेवाल?

1. पुरेशी झोप घ्या

रात्री ७ ते ८ तास पुरेशी झोप (Sleep) घ्या. अपुऱ्या झोपेमुळे दिवसभर थकवा जाणवतो. त्यामुळे मानसिक आणि शारीरिक आरोग्यावर परिणाम होतो.

2. मेडिटेशन करा

ध्यान, योग आणि व्यायाम करा. आपल्या रोजच्या जीवनशैलीत या गोष्टींचा समावेश केल्यास फायदा होईल.

3. आहार

ताण-तणाव आल्यास मानसिक आरोग्यावर परिणाम होतो. अशावेळी आहारात बदल करणे गरजेचे आहे. जंक फूड खाऊ नका. हिरव्या भाज्या किंवा फळांचा आहारात समावेश करा.