शुक्रवार हा दिवस धनाची देवी माता लक्ष्मीला अर्पण मानला जातो. या दिवशी लक्ष्मीमातेची श्रद्धेने पूजा केल्यास आयुष्यात सौभाग्य, धनवृद्धी आणि यश प्राप्त होतं असं शास्त्रात सांगितलं आहे. शुक्रवारी केलेले काही खास उपाय आणि टोटके आर्थिक अडचणी दूर करून जीवनात प्रगती घडवून आणतात.

सुख-शांतीसाठी उपाय

शुक्रवारी पांढऱ्या वस्तूंचं दान करण्यास खास महत्व आहे. या दिवशी एखाद्या गरीब अथवा गरजू व्यक्तीला तांदळाचं दान केल्यास पुण्य मिळतं. असं मानलं जातं की, या उपायामुळे घरात सुख-शांती नांदते आणि लक्ष्मीमातेची कृपादृष्टी मिळते. त्याचप्रमाणे हा उपाय केल्याने नकारात्मक ऊर्जा दूर होऊन घरात सकारात्मकता वाढते.

यश मिळवण्यासाठी उपाय

जर जीवनात वारंवार अडचणी येत असतील तर शुक्रवारी हा उपाय करून पाहा. सकाळी स्नान करून स्वच्छ कपडे घाला आणि लक्ष्मीमातेची विधीपूर्वक पूजा करा. नंतर लाल रंगाच्या कपड्यात एक मूठ कच्चा तांदूळ आणि 5 किंवा 7 पिवळ्या कवड्या ठेवा. याची छोटी पोटली बांधून ती मंदिरात अर्पण करा. हा उपाय अडथळे दूर करून जीवनात यश मिळविण्यास मदत करतो आणि अडकलेली कामे सुलभ होतात.

धनप्राप्तीसाठी उपाय

शुक्रवारी सायंकाळी लक्ष्मीमातेची पूजा करून लाल रंगाच्या कपड्यात थोडा कच्चा तांदूळ, केशर आणि गुलाबाची फुलं बांधा. ही पोटली मंदिरात ठेवा. दुसऱ्या दिवशी सकाळी मंदिरात पूजा करून ती पोटली घेऊन या आणि आपल्या तिजोरीत किंवा जिथे पैसे ठेवता तिथे ठेवा. या उपायामुळे आर्थिक स्थिती मजबूत होते आणि पैशांची तंगी कमी होते.

लक्ष्मीमातेची कृपा मिळवण्यासाठी उपाय

घरातील नकारात्मकता दूर करून आनंद आणि समृद्धी आणण्यासाठी हा सोपा उपाय करा. शुक्रवारी तांदळाची खीर बनवून लक्ष्मीमातेचा भोग लावा आणि त्यांची विधीपूर्वक पूजा करा. पूजा करताना ‘ॐ श्रीं महालक्ष्म्यै नमः’ हा मंत्र 108 वेळा जपा. या उपायामुळे लक्ष्मीमाता प्रसन्न होतात आणि कुटुंबावर त्यांची कृपा राहते. यामुळे नोकरी आणि व्यवसायात यश मिळण्याचे मार्ग मोकळे होतात.