असं म्हणतात की जर भगवान शंकर प्रसन्न झाले तर जीवनातील सर्व प्रकारच्या अडचणी दूर होतात. सोमवार हा दिवस शंकर भगवानांना अर्पण केलेला आहे. असं म्हटलं जातं की, या दिवशी केलेला छोटासा उपायही चमत्कारिक परिणाम देऊ शकतो. बरेच लोक फक्त पूजा-पाठ करतात. परंतु जर तुम्हाला धन, आरोग्य आणि समृद्धीचा आशीर्वाद हवा असेल. तर काही खास वस्तू शिवलिंगावर अर्पण करणे अत्यंत फलदायी ठरते.

हे उपाय केल्याने केवळ आर्थिक स्थिती मजबूत होत नाही तर शरीर आणि मन दोन्हीही निरोगी राहतात. चला जाणून घेऊया ज्योतिषाचार्य रवी पाराशर यांनी एका बेवसाईटला काही सोपे आणि प्रभावी उपाय सांगितले आहेत. हे उपाय कोणते आहेत ते पाहूयात.

आवळ्याचा रस

आवळा हा आयुर्वेदात आरोग्याचा खजिना मानला जातो. मात्र तो धार्मिक दृष्टिकोनातूनही त्याला विशेष महत्त्व देण्यात आलं आहे. अशी मान्यता आहे की. आवळ्यामध्ये माता लक्ष्मीचा वास असतो. सोमवारच्या दिवशी सकाळी स्नान करून मंदिरात जा आणि श्रद्धेने शिवलिंगावर आवळ्याचा रस अर्पण करा. या उपायामुळे तुमच्या आयुष्यात धन आणि धान्याची कमी राहणार नाही.

शिवलिंगावर बर्फ अर्पण करणं

पंडित आणि ज्योतिषाचार्यांच्या मते, शिवलिंगावर बर्फ अर्पण करणं अत्यंत शुभ मानण्यात येतं. विशेषतः सोमवारच्या दिवशी हा उपाय अधिक प्रभावी ठरतो. घरात बर्फ साठवून मंदिरात नेऊन शिवलिंगावर ठेवा आणि त्यावर गंगाजलाच्या काही थेंबा अर्पण करा. या उपायामुळे नकारात्मक ऊर्जा दूर होण्यास मदत होते.

डाळिंबाचा रस

जर तुमच्या आयुष्यात वारंवार अडथळे येत असतील तर ते मंगळदोषामुळे असू शकतात. अशा वेळी शिवलिंगावर डाळिंबाचा रस अर्पण करणं मंगळदोष शमवतं. श्रद्धेने दोन थेंब रसही पुरेसे असतात. हा उपाय मंगळ ग्रह संतुलित करतो आणि जीवनात सौभाग्य घेऊन येतो.

दुर्भाग्य आणि अपघातांपासून संरक्षण

डाळिंबाचा रस अर्पण करण्याचा आणखी एक मोठा फायदा म्हणजे तो जीवनातील अचानक येणाऱ्या अपघात, अनिष्ट घटना आणि दुर्दैवापासून संरक्षण करतो. जे लोक प्रवास जास्त करतात किंवा धोकादायक कामांमध्ये असतात, त्यांनी विशेषतः श्रावण महिन्यात हा उपाय नक्की करावा.

श्रद्धा सर्वात महत्त्वाची

या सर्व उपायांमध्ये श्रद्धा आणि विश्वास ही सर्वात आवश्यक गोष्ट आहे. भगवान शंकरांना दिखावा किंवा भव्य अर्पण अपेक्षित नसतं तर शुद्ध मन आणि प्रेम हवे असतं. जर तुम्ही खऱ्या भावनेने अर्पण केलं तर दोन थेंब रसदेखील तुमच्या जीवनात मोठा बदल घडवू शकतात.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)