स्त्रियांचे सौंदर्य

स्त्रीचे सौंदर्य साडीमध्ये जास्त खुलून येते. साडी हा स्त्रियांचा भारतीय पोशाख आहे. पण आजकाल अनेकांना साडी नेसण्याची सवय नसते.

धावपळीचे जग

रोज धावपळीच्या जगात साडी नेसणे कमी झाले आहे. आता साडी फक्त एखाद्या प्रसंगाला, लग्न समारंभाला नेसली जाते.

नेमकी साडी नेसायची कशी?

साडीच्या कमी वापरामुळे आजकाल अनेक मुलींना 'नेमकी साडी नेसायची कशी?' हा प्रश्न पडतो. चला तर मग आज आपण पहिल्यांदाच साडी कशी नेसावी आणि सुंदर लूक कसा तयार करावा जाणून घेऊयात.

साडीची योग्य निवड

जर तुम्ही पहिल्यांदा साडी नेसत असाल तर हलक्या कपड्याची साडी निवडावी. उदा.कॉटन,शिफॉन. भरजरी साडी नेसणे शक्यतो टाळावे. कारण ती सांभाळणे कठीण जाते. हलकी साडी तुम्ही सहज सांभाळू शकता.

ब्लाउजची निवड

पहिल्यांदाच साडी नेसल्यावर खास लुक करायचा असेल, तर स्टाईलीश आणि साडीला शोभेल अशा ब्लाउजची निवड करा. उदा. शर्ट स्टाईलिश ब्लाउज

पेटीकोट आवर्जून घाला

आजकालच्या मुलींना जीन्सवर साडी बांधण्याची सवय असते. पण हे चुकीचे आहे. साडी नेसण्यासाठी योग्य फिटिंगचा आणि मॅचिंग पेटीकोट घालणे कधीही चांगले असते. यामुळे साडीतून तुमचे रुप खुलून येते.

साडी योग्य पद्धतीने बांधणे

साडी नेसण्यासोबतच ती शेवटपर्यंत टिकवणे किंवा सांभाळणे देखील महत्त्वाचे आहे. त्यामुळे साडी नेसताना पिनांच्या साहाय्याने नीट बांधून घ्यावी. यामुळे तुम्ही कार्यक्रमात पूर्ण आत्मविश्वासाने साडीमध्ये फिरू शकता.

साडीच्या निऱ्या

साडीच्या निऱ्या काढणे हा साडी नेसताना सर्वात अवघड भाग असतो. यासाठी तुम्ही आधीच साडीच्या निऱ्या काढून घ्या. यामुळे साडी नेसणे खूप सोपे जाईल आणि साडीचा लूकही परफेक्ट दिसेल.

मेकअप आणि हेअर स्टाईल

कोणत्याही साडीचा लूक मेकअप आणि हेअर स्टाईल शिवाय अपूर्ण आहे. साडीला मॅचिंग ज्वेलरी घालून छाम मेकअप करावा. पहिल्यांदा साडी नेसत असल्यास थोडा हलका मेकअप करा. तसेच सांभाळायला सोपी जाईल अशी हेअर स्टाईल करून आपला लूक पूर्ण करा.

डिस्क्लेमर : ही फक्त सामान्य माहिती आहे. साम टिव्ही या माहितीचे समर्थन करत नाही.