शरीरात किडनी हा सगळ्यात महत्वाचा भाग आहे. किडनीचे कार्य म्हणजे शरीरातले अतिरिक्त पाणी आणि घाण बाहेर काढणे. किडनीच्या कार्यात कोणताही अडथळा आल्यास आपल्याला गंभीर आरोग्य समस्यांना तोंड द्यावे लागू शकते. याचे कारण म्हणजे किडनी निकामी होणे. ही फार मोठी आणि गंभीर समस्या आहे. जी शरीरासाठी धोकादायक ठरू शकते.

जेव्हा किडनी खराब होते तेव्हा शरीरात घाण किंवा पाणी जमा व्हायला सुरुवात होते. परिणामी हाय बीपी, हाडांच्या समस्या, लघवीतून रक्त येणे अशी गंभीर लक्षणे दिसू लागतात. त्यावर वेळेत उपचार केले नाहीत तर किडनी फेल होण्याची शक्यता असते. मात्र याची काही लक्षणे ही रात्रीत दिसू लागतात. तुम्हाला जर किडनी खराब होण्यापासून वाचवायची असेल तर तुम्ही पुढील लक्षणांकडे वेळीच लक्ष द्या. तसेच डॉक्टरांच्या सल्ल्याने त्यावर उपाय करा.

किडनी खराब होण्यापुर्वी कोणते संकेत मिळतात?

1. रात्री सारखे लघवीला होणे.

काही व्यक्तींना रात्रीत लघवीला जाण्याची सवय असते. मात्र जर तुम्हाला सतत लघवीला होत असेल तर ही किडनीची समस्या असू शकते. जेव्हा किडनी व्यवस्थित काम करत नाही तेव्हा आपण चुकीचा आहार घेतोय हे लक्षात खेतले पाहिजे.

2. रात्री खूप तहान लागने.

काहींना झोपेतून उठून पाणी पिण्याची नेहमीची सवय असते. मात्र किडनी खराब झाल्याने शरीरातल्या पाण्याचे संतुलन बिघडू शकते. त्याने रात्रीत तहान लागू शकते. हे किडनी खराब झाल्याचे संकेत असू शकतात. या समस्येला न टाळता योग्य वेळेत योग्य उपचार केले पाहिजेत.

3. लघवीला गेल्यास जळजळ आणि वेदना होणे.

किडनी खराब झाल्यास लघवीला गेल्यास त्या मार्गात सुजन येवू शकते. त्याने लघवी करताना वेदना आणि जळजळ होऊ शकते. हे लक्षण किडनी खराब होण्याचे किंवा अन्य कोणत्या गंभीर समस्येचे लक्षण असू शकते.

4. लघवीतून रक्त येणे.

लघवीतून रक्त येणे हे किडनी किंवा स्टोन यांसारख्या गंभीर समस्यांचे लक्षण असू शकते. तुम्हाला जर लघवीत रक्त दिसत असेल तर तुम्ही वेळीच सावध होणं गरजेचे आहे. या समस्येला तुम्ही नजरअंदाज करणे धोक्याचे ठरू शकते.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.