जेव्हा एखाद्या मुलाला कॅन्सरचं निदान होतं तेव्हा हा आजार केवळ त्यांच्या शरीरावर परिणाम करत नाही तर तो संपूर्ण कुटुंब आणि त्यांच्या आजूबाजूच्या वातावरणात बदल घडवून आणतो. पालकांसाठी, रुग्णालयाच्या भेटींमध्ये लागणारा वेळ मोजला जातो. यामध्ये ब्लड तपासणी कोणत्याही चाचणीपेक्षा अधिक महत्त्वाची असते. लहान मुलांच्या कॅन्सरबाबतही अनेक गैरसमज असतात.

मुंबईतील नारायणा हेल्थ एसआरसीसी चिल्ड्रन्स हॉस्पिटलमधील बालरोग ऑन्कोलॉजीस्ट, डॉ. चिंतन व्यास म्हणाले की, बालपणातील कॅन्सरच्या गैरसमजांना वेळेत समजून घेणं गरजेचं आहे. हे गैरसमज काय असतात ते पाहूयात.

गैरसमज - लहान मुलांमधील कॅन्सर संसर्गजन्य असतो

गैरसमजांपैकी एक म्हणजे कॅन्सर एका मुलापासून दुसऱ्या मुलामध्ये पसरू शकतो असं लोकांना वाटतं. मात्र बालपणातील कॅन्सर संसर्गजन्य नाही. हा स्पर्श, खेळ, खेळणी शेअर करणं, अन्न किंवा खेळ याद्वारे पसरत नाही. तरीही, अनेक कुटुंबांना असं पाहायला मिळतं की, मित्र हळूहळू स्वतःपासून दूर जातात. यामध्ये वाढदिवसाच्या पार्टीचे आमंत्रण पाठवण्यापूर्वी पालक कचरतात.

गैरसमज - यामध्ये पूर्णपणे पालकांची चूक आहे

बऱ्याच पालकांमध्ये अपराधीपणाची भावना असते. प्रश्न त्यांच्या मनात रेंगाळतात की, त्यांच्या मुलाने काही चुकीचं खालंले का? आपण एखाद्या लक्षणाकडे दुर्लक्ष केलं का? वर्षांपूर्वी काहीतरी चुकीचं घडलं होतं का? पण वैद्यकीय शास्त्र स्पष्ट की, बहुतेक बालपणातील कॅन्सर पेशींच्या विकासादरम्यान होणाऱ्या अनुवांशिक बदलांमुळे होतात. त्याला ते पालकत्व, आहार, संसर्ग संबंध नसतो.

गैरसमज - बालपणाची कॅन्सर हा घातक असतो

बालपणातील कर्करोग जवळजवळ नेहमीच घातक असतो. ही धारणा सर्वात भीतीदायक आहे. पण खरं तर वैद्यकीय शास्त्राने उल्लेखनीय प्रगती केली आहे. वेळेवर निदान आणि योग्य उपचारांमुळे, बालपणातील कॅन्सरच्या अनेक प्रकारांसाठी जगण्याचं प्रमाण खूप चांगलं आहे.

गैरसमज - उपचार नेहमीच असह्य वेदना देतात

बरेच लोकांचा असा विश्वास आहे की, कॅन्सरच्या उपचारांमुळे मुलाला सतत वेदना होतात. खरं तर, आधुनिक उपचार पद्धती वेदना व्यवस्थापन आणि जीवनाच्या गुणवत्तेवर विशेष भर देतात. डॉक्टर, नर्स आणि समुपदेशकांची एक टीम मुलाला केवळ शारीरिकच नव्हे तर मानसिक आणि भावनिकदृष्ट्या देखील सुरक्षित वाटेल याची खात्री करण्यासाठी काम करते.