Indian Railways Update : वैष्णो देवीला जाणाऱ्या भक्तांसाठी भारतीय रेल्वेकडून मोठी आनंदाची बातमी देण्यात आली आहे. जर तुम्ही देखील या वर्षी वैष्णो देवीच्या दर्शनास जाण्याचे ठरवत असाल तर ही बातमी खास तुमच्यासाठी आहे.

आता तुम्हाला वैष्णो देवीला कसे जायचे या गोष्टीची चिंता करण्याची आवश्यकता नाही. भारतीय रेल्वेकडून वेळो-वेळी प्रवाशांसाठी अनेक प्रकारच्या सुविधा पुरवल्या जात असतात. काल 26 मे रोजी रेल्वेकडून (Railway) आपल्या प्रवाशांसाठी विशेष घोषणा करण्यात आली आहे. काय आहे हा रेल्वेचा विशेष निर्णय जाणून घेऊया

1. कशी असेल रेल्वेची सुविधा

भारतीय (Indian) रेल्वेने वाराणसी ते जम्मूतवी येथील प्रवाशांसाठी एक विशेष ट्रेन चालवण्याचा निर्णय घेतला आहे. गाडी क्रमांक 04662/04661 ही ट्रेन आज 26 मे पासून सुरू होणार असून, यामुळे वैष्णोदेवीला जाणाऱ्या भक्तांचा प्रवास (Travel) अधिक सुखकर होणार आहे.

दिनांक 26 मे 2023 पासून गाडी क्रमांक 04662 जम्मू तवीवरून रात्री 11.20 ला सुटून 27 मे ला रात्री 10.55 ला वाराणसी कॅन्ट स्टेशनवर पोहोचणार असल्याची माहिती रेल्वेचे मुख्य जनसंपर्क अधिकाऱ्यांकडून देण्यात आली आहे. त्याशिवाय वैष्णो देवीवरून परतण्यासाठी गाडी क्रमांक 04661 ही ट्रेन वाराणसी कॅन्टवरुन सकाळी 7.30 ला सुटून होऊन दुसऱ्या दिवशी 9.10 ला जम्मू तवीला पोहाचणार आहे.

2. भाविकांच्या वाढत्या संख्येमुळे घेतला निर्णय

दिवसेंदिवस वाढत चाललेल्या भाविकांच्या संख्येला विचारात घेऊन रेल्वेने हा निर्णय घेतला आहे. यासाठी रेल्वेकडून एसी, स्लीपर आणि जनरल अशा प्रकारचे कोचेस उपलब्ध असणार आहेत.

3. 28 ते 30 मे पर्यंत ही सेवा उपलब्ध नसेल.

फिरोजपूर डिवीजनमध्ये सुरु असलेल्या नॉन इंटर लॉकिंगच्या कामामुळे 28 ते 30 मे पर्यंत ही ट्रेन वाराणसी कॅन्टपर्यंत जाणार नसून पठानकोटवरच थांबवली जाणार असल्याची माहिती रेल्वे अधिकाऱ्यांकडून देण्यात आली आहे. त्यामुळे जम्मूतवीपर्यंत प्रवास करणाऱ्या प्रवाश्यांना दुसऱ्या गाड्यांचा वापर करावा लागणार आहे.