आपल्या शरीरातील रक्त धमन्यांच्या माध्यमातून ऑक्सिजन आणि आवश्यक पोषक तत्वं महत्वाच्या अवयवांपर्यंत पोहोचवतं. ब्लॉक झालेल्या रक्तवाहिन्यांमुळे अनेकदा हृदयविकाराचा झटका येण्याचा धोका असतो. रक्तवाहिन्या ब्लॉक झाल्यामुळे अनेकांना पायांमध्ये विविध समस्या येण्याचा त्रास जाणवतो.
रक्तवाहिन्या ब्लॉक झाल्यामुळे पायांमध्येही काही लक्षणं दिसून येतात. हृदयातील रक्तवाहिन्यांमध्ये अडथळा निर्माण झाल्यास पाय आणि शरीराच्या खालच्या भागात रक्त प्रवाहास अडथळा येऊ शकतो. जेव्हा पायांच्या धमन्या अडथळ्यामुळे अरुंद होऊ लागतात तेव्हा या समस्येला पेरिफेरल आर्टरी डिसिज (PAD) म्हटलं जातं.
जेव्हा रक्तवाहिन्यांच्या आतील भागावर चरबी आणि कोलेस्ट्रॉल जमा होतं तेव्हा रक्तवाहिन्या बंद होऊ शकतात. याला पेरिफेरल आर्टरी डिसिज म्हणून पाहिलं जातं. हे बहुतेकदा धुम्रपान, उच्च रक्तदाब पातळी, मधुमेह आणि अनियंत्रित रक्तातील साखरेची पातळी यांसारख्या दीर्घकालीन आरोग्य स्थितींमुळे होतं.
चालताना पाय दुखणं
पायात क्रॅम्प्स येणं
पाय सुन्न होणं
थंड पाय
बोटांवर जखमा
नखांची वाढ नाही
नखांवर चमक कमी होणं
पायांमधील रक्तवाहिन्यांमधील अडथळा टाळण्यासाठी, जीवनशैलीत बदल करणं महत्वाचं आहे. तज्ज्ञांच्या म्हणण्यानुसार, यासाठी जीवनशैलीमध्ये बदल करणं गरजेचं आहे. यामध्ये-
नियमित व्यायाम करा
धूम्रपान टाळा
संतुलित आहार घेणे
रक्तातील साखरेची पातळी आणि रक्तदाब नियंत्रित करणे
नियमित चाचण्या आणि स्क्रीनिंग करा
डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.