Batata Halwa Recipe :

श्रावण महिना म्हटलं की, अनेकांचा या दिवशी उपवास असतो. या दिवसात अनेक गोडाचे व उपवासाचे पदार्थ चवीने खाले जातात. शंकराचा आशीर्वाद घेण्यासाठी मनोभावे पूजा अर्चना करतात.

आज श्रावण महिन्यातला पहिला श्रावणी सोमवार. या दिवशी अनेकांचा उपवास असतो. उपवास असल्यामुळे बरेच लोक फळे व उपवासाचा पदार्थ चवीने खातात. जर तुमचा ही उपवास असेल आणि नैवेद्यात काही झटपट पदार्थ बनवायचा असेल तर ही रेसिपी ट्राय करु शकता.

1. साहित्य

• 4 मोठे उकडलेले बटाटे (Potatoes)

• देशी तूप

• 1 कप साखर (Sugar)

• 1 कप दूध

• ¼ टीस्पून वेलची पावडर

• 4 बारीक चिरलेले बदाम

• 4 बारीक चिरलेले पिस्ते

• 4 बारीक चिरलेले काजू आणि केशर

2. कृती

• बटाट्याचा हलवा बनवण्यासाठी प्रथम बटाटे स्वच्छ धुवून उकडून घ्या

• यानंतर, उकडलेले बटाटे मॅश करा किंवा किसून घ्या.

• आता एक नॉनस्टिक पॅन घ्या आणि त्यात देशी तूप (Ghee) टाका.

• आता त्यात मॅश केलेले बटाटे घालून चांगले परतून घ्या.

• भाजताना सतत ढवळत राहा आणि नंतर साखर घाला. साखर घातल्यावर तळून घ्या.

• त्यानंतर यात दूध घाला. हवे असल्यास तुम्ही खवा देखील घालू शकता वरुन वेलची पूड व केशर टाकून नीट ढवळा.

• मिश्रण घट्ट होऊ द्या. त्यानंतर यात बदाम, पिस्ता आणि काजू मिक्स करा.