बरेचदा आपल्याला डॉक्टर सांगतात की, सकाळचा नाश्ता हा अधिक हेल्दी आणि पौष्टिक असायला हवा. त्यासाठी आहारात पचायला हलके पण पोट भरतील अशा पदार्थांचे सेवन करायला हवे.
रविवार म्हटलं की, अनेकांच्या घरी साउथ इंडियन पदार्थांची रेलचेल अधिक असते. कामाला जाणाऱ्या गृहिणी इडली-डोश्याचे पीठ घरात बनवण्यापेक्षा रेडिमेड आणतात. परंतु, कधी कधी या इडली-डोश्यामुळे आपल्याला अॅसिडिटीचा सामना अधिक प्रमाणात करावा लागतो. जर तुम्हाला वीकेंडला हेल्दी (Healthy) आणि पौष्टिक पदार्थ बनवायचा असेल तर ज्वारीची इडली ट्राय करुन शकता पाहूया रेसिपी (Recipes).
1. साहित्य | Ingredients
ज्वारी ३ वाटी I Jowar 3 cups
उडीद डाळ १ वाटी I Udat Daal 1 cup
मेथी दाणे १/४ चमचा I Methi Dana(Fenugreek Seeds) ¼ tbsp
मुरमुरे १ वाटी I Flattened Rice(Murmure) 1 cup
मीठ चवीनुसार I Salt As per taste
तेल गरजेप्रमाणे I Oil As per requirement
2. कृती
एका भांड्यात ज्वारी घ्या, नीट धुवा आणि रात्रभर भिजवा.
दुसऱ्या भांड्यात उडद डाळ आणि मेथी दाणे घ्या, ते व्यवस्थित धुवा आणि रात्रभर भिजत ठेवा.
सकाळी ज्वारीतील पाणी काढून टाका आणि ज्वारी मिक्सर ग्राइंडरमध्ये घाला.
त्याचप्रमाणे उडद डाळ आणि मेथीच्या दाण्यातील पाणी काढून मिक्सरमध्ये घाला.
वरील सर्व ३ घटक वेगवेगळे बारीक करा.
शेवटचे मिश्रण वाटताना त्यात मुरमुरेही बारीक करून घ्या.
वाटलेले सर्व मिश्रण एका मोठ्या भांड्यात मिसळा आणि हाताने चांगले फेटून घ्या.
रात्रभर किंवा किमान १० ते १२ तास पीठ आंबवायला ठेवा.
दुसऱ्या दिवशी आंबवलेल्या पिठात चवीनुसार मीठ घाला आणि स्वादिष्ट इडली तयार करा.
ज्वारीची इडली खोबऱ्याच्या किंवा हिरव्या चटणीसोबत सर्व्ह करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.