गर्भधारणेपासून ते प्रसुतीपर्यंत स्त्रीच्या शरीरात अनेक बदल होत असतात. या हार्मोनल बदलांमुळे प्रसूतीनंतर महिलांना अनेक समस्यांना सामोरे जावे लागते. प्रसूतीनंतर अनेक महिलांना सामोरे जावे लागते ते लठ्ठपणा.
प्रसूतीनंतर स्त्रियांचे वजन हे पूर्वीपेक्षा जास्त वाढते. ज्याला प्रसुतिपश्चात वाढ म्हणतात. इन्स्टिट्यूट ऑफ मेडिसिनच्या माहितीनुसार प्रसूतीनंतर जवळजवळ स्त्रियांचे वजन हे ५ किलोपेक्षा जास्त पटीने वाढते. तर काही महिलांचे वजन ६ महिन्यानंतर १० किलो किंवा त्याहून अधिक वाढते.
गर्भधारणेनंतर (Pregnancy) किंवा प्रसूतीनंतर वाढलेले वजन नियंत्रित करण्यासाठी स्त्रियांना थोडे अवघड होते. जर तुम्ही देखील प्रसुतीनंतर वाढलेले वजन कमी करण्याचा विचार करत असाल तर या टिप्स (Tips) नक्की फॉलो करा.
1. स्तनपान
बाळंतपणानंतर आईचे वाढलेले वजन कमी करण्यासाठी स्तनपान उपयुक्त ठरु शकते. स्तनपानामध्ये गर्भधारणेदरम्यान शरीरात जमा झालेल्या चरबीच्या पेशींचा वापर होतो. ज्यामुळे आईला बाळाला (Baby) आहार देताना त्यांच्या कॅलरीज बर्न करु शकतात.
2. प्रथिने
गर्भधारणेनंतर प्रत्येक नवीन आईने आपल्या आहारात प्रोटीनयुक्त पदार्थांचा समावेश करावा. असे केल्याने तुमचे वजन कमी होण्यास मदत होईल. यासाठी तुमच्या आहारात फळे, हिरव्या भाज्या आणि कडधान्यांचा समावेश करा.
3. व्यायाम
जर तुमची नॉर्मल प्रसुती झाली असेल तर डॉक्टरांना विचारुन ६ आठवड्यानंतर चालणे किंवा योगासने करा. हलका व्यायाम सुरु करा. असे केल्याने वजन कमी होण्यास मदत होईल.
4. झोप
गर्भधारणेनंतर ज्या महिला रात्री ७ तास झोपतात त्यांचे वजन लवकर कमी होते. अशा परिस्थितीत जर तुम्हाला प्रसुतीनंतर लवकर वजन कमी करायचे असेल तर पुरेशी झोप घेणे आवश्यक आहे.
डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.