घर बांधताना किंवा घराचे नूतनीकरण करताना अनेकजण वास्तुशास्त्राचा विचार करतात. घरातील फर्निचरपासून स्वयंपाकघर, बाथरूम आणि इलेक्ट्रॉनिक उपकरणांच्या मांडणीपर्यंत अनेक गोष्टींची काळजी घेतली जाते. त्यापैकीच एक महत्त्वाची गोष्ट म्हणजे बाथरूममध्ये बसवण्यात येणारा गिझर. वास्तुशास्त्रानुसार गिझर कोणत्या दिशेला बसवावा आणि कोणत्या गोष्टी टाळाव्यात, जाणून घ्या.
वास्तुशास्त्रानुसार, गिझर हे विद्युत उपकरण असून त्याचा संबंध अग्नी तत्त्वाशी जोडला जातो. त्यामुळे बाथरूममध्ये गिझर बसवण्यासाठी दक्षिण-पूर्व म्हणजेच आग्नेय दिशा योग्य मानली जाते. या दिशेला अग्नीचे स्थान असल्याची मान्यता आहे. त्यामुळे या ठिकाणी गिझर बसवल्यास घरातील सकारात्मक ऊर्जा टिकून राहते, असे वास्तुशास्त्रात सांगितले जाते.
वास्तुशास्त्रानुसार, ईशान्य दिशा ही जलतत्त्वाशी संबंधित मानली जाते. त्यामुळे या दिशेला गिझरसारखे अग्नितत्त्वाशी संबंधित उपकरण बसवणे टाळावे, असे सांगितले जाते. पाणी आणि अग्नी या परस्परविरोधी तत्त्वांचा समतोल राखण्यासाठी गिझरची जागा योग्य असावी, अशी मान्यता आहे.
गिझर बसवताना केवळ वास्तुदिशाच नव्हे, तर सुरक्षिततेलाही प्राधान्य द्या. गिझर योग्य उंचीवर आणि हवेशीर ठिकाणी बसवावा. इलेक्ट्रिक गिझरसाठी योग्य अर्थिंग, सुरक्षित वायरिंग आणि योग्य क्षमतेचा सर्किट ब्रेकर असणे आवश्यक आहे. गॅस गिझरच्या बाबतीत पुरेसे वायुवीजन आणि योग्य धूरनिस्सारण व्यवस्था असणे अत्यंत महत्त्वाचे आहे.
टीप : वरील माहिती वास्तुशास्त्रातील पारंपरिक मान्यतांवर आधारित आहे. याला वैज्ञानिक आधार नाही.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.