मुंबई : नियमित पाणी प्यायल्यामुळे आपल्याला डिहायड्रेशनच्या समस्येपासून मुक्ता मिळते. पाणी पिण्याचे आपल्याला शरीराला अनेक फायदे होतात.

हे देखील पहा -

जर आम्ही तुम्हाला सांगितले की पाणी देखील शरीरासाठी धोकादायक ठरू शकते तर तुमचा विश्वास बसणार नाही. नाही का, कारण आतापर्यंत आपल्याला फक्त हेच माहीत होते की शरीर निरोगी ठेवण्यासाठी पाणी किती आवश्यक आहे. आपण अधिकाधिक पाणी प्यावे ज्यामुळे आपले शरीर हायड्रेटेड राहते आणि शरीरातील सर्व विषारी पदार्थ बाहेर टाकतात. डॉक्टर (Doctor) आपल्याला दिवसभरात २ ते ३ लिटर पाणी पिण्याचा सल्ला देतात परंतु, काही लोक अधिक पाणी पितात त्यांना वाटते यामुळे त्वचा स्वच्छ राहील, रक्त साफ होईल आणि ते निरोगी राहतील. असे नाही, काही अलीकडील अभ्यासातून असे दिसून आले आहे की अतिरिक्त पाणी शरीरासाठी हानिकारक आहे, ते कसे ते जाणून घेऊया

अति पाणी सेवनाचे दुष्परिणाम

१. बरेच लोक ५ लीटरपेक्षा जास्त पाणी पितात, ज्यामुळे शरीरातील क्षाराचे प्रमाण लघवीद्वारे बाहेर जाते.

२. जास्त पाणी प्यायल्याने शरीरातील सोडियमची पातळी खराब होते आणि मीठाचे प्रमाण कमी होते.

३. सोडियम शरीराचे संतुलन राखण्यास मदत करते, त्यामुळे त्याचे असंतुलन खूप हानिकारक असू शकते. त्याचा थेट परिणाम मेंदूवर होतो. जास्त पाणी पिणे म्हणजे पाण्याची नशा किंवा पाणी विषबाधा.

४. पाणी नशा ही एक स्थिती आहे जी जास्त पाणी पिण्यामुळे उद्भवते, ज्यामध्ये इलेक्ट्रोलाइट शिल्लक विस्कळीत होते.

५. जास्त पाणी प्यायल्याने मेंदूमध्ये पाणी साचते, मेंदूला सूज येते.पेशी फुगतात आणि मेंदूमध्ये दबाव निर्माण होऊ लागतो. या स्थितीत एखाद्या व्यक्तीला गोंधळ, तंद्री आणि डोकेदुखीचा अनुभव येऊ शकतो.

६. पाणी (Water) प्यायल्यामुळे दबाव वाढल्यास व्यक्ती उच्च रक्तदाबाची तक्रार करते. कधीकधी थकवा किंवा अशक्तपणा निर्माण होतो. कधीकधी ओव्हर हायड्रेशनची समस्या दिसून येते. जास्त पाणी पिण्याचा थेट परिणाम मूत्रपिंडावर होतो. जास्त पाणी प्यायल्याने रक्तदाबही कमी होतो

आपण एका दिवसात किती पाणी प्यावे ?

दिवसातून २ ते ३ लीटर पाणी प्यावे, तहान लागण्याच्या प्रमाणात पाणी प्यायल्यास ते चांगले आहे.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.

Edited By - Komal Damudre