Hair Care Tips :

केसगळतीच्या समस्याचा त्रास अनेक महिलांना होतो. बदलते वातावरण, खाण्यापिण्याच्या सवयी यामुळे केसगळतीची समस्या अनेकांना सतावते. त्यामुळे केस गळणे, केसांची वाढ खुंटणे, केसात कोंडा होणे यांसारख्या समस्यांना सामोरे जावे लागते.

हल्ली केसगळतीच्या समस्यांवर आपण महागडे केमिकल्स उत्पादनांचा वापर करतो. त्यामुळे केसांची हानी होते. केसांची वाढही खुंटते. परंतु, काही गोष्टींची काळजी (Care) घेतल्यास केस घनदाट होतील तसेच टक्कल पडण्यापासून वाचू शकाल जाणून घेऊया त्याबद्दल

1. हिरव्या भाज्या

आहारात (Food) हिरव्या भाज्याचा नियमितपणे समावेश करा. यामुळे तुमचे केस मजबूत आणि सुंदर होतील. लोहाच्या कमतरतेमुळे केसगळतीची समस्या उद्भवते. यामुळे अनेक आवश्यक घटक केसांच्या मुळांपर्यंत पोहोचत नाही. त्यामुळे निरोगी आणि मजबूत केसांसाठी हिरव्या भाज्यांचे सेवन करा. आहारात पालक, मेथी, ब्रोकोली आणि हिरव्या भाज्यांचा समावेश करा.

2. अंडी

अंडी हा प्रथिनांचा चांगला स्त्रोत आहे. अंडी खाल्ल्याने शरीराला भरपूर प्रथिने मिळतात. ज्यामुळे केस (Hair) वाढण्यास मदत मिळते. त्यामुळे केसगळतीच्या समस्यांचा सामना करता येतो. जर तुम्ही अंडी खात नसाल तर आहारात टोफू, सोयाबीन, चीज आणि ड्रायफ्रूट्सचा समावेश करा.

3.व्हिटॅमिन सी

केसगळती रोखण्यासाठी आणि केसांच्या वाढीसाठी लिंबूवर्गीय फळांचा समावेश करा. यामध्ये केसांना आवश्यक असलेले व्हिटॅमीन (Vitamins) सी अधिक असते. त्यासाठी आहारात लिंबू, संत्री, मोसंबी आणि किवी या पदार्थांचा समावेश करा. यामुळे केस आणि त्वचा चमकदार होण्यास मदत होईल.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.