Hair Care Tips : केसगळतीच्या समस्या दिवसेंदिवस वाढत आहेत. यामुळे अनेक तरुणांना टक्कल पडण्याची भीती सतावते. केसगळतीसाठी आपण अनेक गोष्टींची काळजी घेतो. खाण्यापिण्यापासून ते अनेक महागड्या उत्पादनांचा वापर आपण करतो. इतके करुनही केस गळतीची समस्या काही कमी होत नाही.

केस गळतीच्या या समस्यांपासून सुटका मिळवण्यासाठी आहारात बदल केला तर फायदा होईल. तुम्ही जे खाता ते तुमच्या केसांवरही परिणाम करतात. आज आम्ही तुम्हाला अशा काही बियांबद्दल सांगणार आहोत, ज्यांचा आहारात समावेश केल्यास केस गळण्याच्या समस्येपासून सुटका मिळू शकते.

1. भोपळ्याच्या बिया

भोपळ्याच्या बियांमध्ये लोह आणि व्हिटॅमिन सी आढळते. भोपळ्याच्या बिया सॅलड्स किंवा भाज्यांमध्ये घालून तुम्ही खाऊ शकता. त्यामुळे केसगळती थांबेल.

2. सूर्यफूल बिया

सूर्यफुलाच्या बियांमध्ये भरपूर पोषक असतात. ते केसांचे नुकसान होण्यापासून संरक्षण करतात. त्यामध्ये झिंक आणि ओमेगा ३ फॅटी अॅसिड देखील असतात, जे केसांच्या वाढीस प्रोत्साहन देतात. तुम्ही ते नाश्त्यात ओट्स, दही (Curd), सूप, स्मूदी, भाज्या आणि सॅलड इत्यादींमध्ये वापरू शकता.

3. अंबाडी बिया

केस गळणे नियंत्रित करण्यासाठी तुम्ही तुमच्या आहारात अंबाडीच्या बियांचा समावेश करू शकता. यामुळे केस गळणे कमी होऊ शकते. या बिया रक्तातील साखर (Sugar) आणि कोलेस्ट्रॉल नियंत्रित ठेवण्यासही मदत करतात.

4. मेथी दाणे

केसांच्या वाढीसाठी मेथी दाणे खूप गुणकारी आहेत. केसांना (Hair) लावण्याव्यतिरिक्त तुम्ही ते खाऊ शकता. यामुळे केसांशी संबंधित समस्या कमी होतात.

5. कांद्याच्या बिया

तुमच्या केसांना कांद्याच्या बियांपासून पोषण मिळू शकते. यामध्ये अँटी फंगल आणि अँटीऑक्सिडेंट गुणधर्म आहेत, जे तुमच्या केसांना अनेक समस्यांपासून मुक्त करु शकतात.

6. तीळ

केसांच्या वाढीसाठी तीळ खूप फायदेशीर मानले जाते. तिळात भरपूर खनिजे, जीवनसत्त्वे आणि फॅटी अॅसिड असतात जे केसांना चमक देतात. याचा उपयोग भाज्या, सॅलड इत्यादींमध्ये होतो. तिळापासूनही लाडू बनवू शकता.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा