गणेशोत्सव म्हटलं की घराघरात आनंद, भक्ती आणि उत्साहाचं वातावरण निर्माण होतं. बाप्पाच्या आगमनाची तयारी प्रत्येक भक्त खास पद्धतीने करतात . घरात गणपती बसवताना डेकोरेशन आणि पूजेचं सामान याला विशेष महत्व असतं. याची पुढे सविस्तर यादी आणि महत्वाच्या सामानांची नोंद केली आहे.

डेकोरेशनसाठी लागणाऱ्या महत्वाच्या गोष्टी

गणपती डेकोरेशन साधं असो वा भव्य, त्यामध्ये काही वस्तू आवश्यक ठरतात. यामध्ये सजावटीसाठी रंगीबेरंगी लाईट्स, फुलं, रांगोळीचे रंग, वॉल हॅंगिंग, तोरण, डेकोरेटिव्ह पेपर्स, आर्टिफिशियल फ्लॉवर्स यांचा वापर होतो. काहीजण कापडी पडदे, मातीची सजावटीची वस्तू, नैसर्गिक फुले आणि पाने यांचा समावेश सुद्धा करतात.

पूजेसाठी लागणारे महत्वाचे सामान

गणपती पूजेसाठी लागणाऱ्या वस्तूंमध्ये मूर्ती बसवण्यासाठीचे आसन, पाट, लाल किंवा पिवळा कपडा, पूजेची थाळी, नारळ, सुपारी, फुलं, दुर्वा, अगरबत्ती, उदबत्ती, तुपाचा दिवा, पंचामृत, नैवेद्य यांचा समावेश होतो. विशेष म्हणजे गणपतीला आवडणारे मोदक, लाडू किंवा पेढे नैवेद्याला आवर्जून ठेवले जातात.

पूजेसाठी शंख, घंटा, कलश, कुंकू-हळद, तांदूळ, पान, हार हे साहित्य देखील महत्वाचं असतं. गणपती डेकोरेशन ही फक्त शोभेसाठी नसून ती भक्तीची एक पद्धत आहे. तर पूजेचं सामान पूर्ण असेल तर बाप्पाची पूजा नियमाने आणि भक्तिभावाने करता येते.