तोंड, नाकपुड्या, सायनस, ओठ, लाळग्रंथी, घसा, आणि स्वरयंत्र या भागांमध्ये होणाऱ्या कॅन्सरला हेड अँड नेक कॅन्सर (Head & Neck Cancer) असं म्हणतात. यामध्ये वेगवेगळ्या प्रकारचा कॅन्सर येतो. हा शरीरातील अत्यंत संवेदनशील आणि महत्वाच्या भागांवर परिणाम करतो.
नॅशनल कॅन्सर इन्स्टिट्यूटच्या अंदाजानुसार, 2025 मध्ये अमेरिकेत सुमारे 72,680 लोकांना हेड अँड नेक कॅन्सर होण्याची शक्यता वर्तवण्यात आलीये. याशिवाय सुमारे 16,680 रुग्णांचा मृत्यू होण्याची शक्यता आहे. नुकतंच प्रसिद्ध ब्रिटिश रॉकस्टार डेव्हिड रोच यांना हेड अँड नेक कॅन्सर झाल्याचं उघड झालं. सुरुवातीला त्यांना फक्त सर्दी, खोकला आणि थकवा वाटत होता.
‘मॅकमिलन कॅन्सर सपोर्ट’ संस्थेच्या मते, हेड आणि नेक कॅन्सरची सुरुवातीच्या काळात काही लक्षणं दिसून येतात. पण ती हेड अँड नेक कॅन्सरची सुरुवात असू शकतात. त्यामुळे ही लक्षणं वेळेत ओळखणं गरजेचं आहे.
जर तुमच्या तोंडात, विशेषतः जीभेवर किंवा ओठाजवळ तीन आठवड्यांपेक्षा जास्त काळ जखम असेल, तर ती केवळ सामान्य जखम नाहीये. NHS लंडनच्या त्वचारोग तज्ज्ञ डॉ. जोनाथन केंटली यांच्यानुसार, तोंड आणि घशात “स्क्वॅमस सेल कार्सिनोमा” नावाचा कॅन्सर धूम्रपान किंवा HPV व्हायरसमुळे होतो.
मानेवर गाठ येणं अनेक वेळा सामान्य कारणांमुळेही होऊ शकते, पण जर ती गाठ 2-3 आठवड्यांनंतरही कमी होत नसेल, तर ती दुर्लक्षित करू नका. अशा गाठी सामान्यतः वेदनारहित असतात. हेड अँड नेक कॅन्सर लसिका ग्रंथींमध्ये (lymph nodes) पसरतो आणि त्यांचं सुजणं हे याचं लक्षण असू शकतं.
हेड अँड नेक कॅन्सर 30 पेक्षा जास्त भागांमध्ये होऊ शकतो. यातील ९०% कॅन्सर स्क्वॅमस सेल्समधून सुरू होतो. हा कॅन्सर ओठ, तोंड, घसा आणि नाकाच्या आतील त्वचेवर परिणाम करतो. ओठावर अचानक गाठ येणं, किंवा सतत घट्ट वाटणं हे लिप कॅन्सरचं सुरुवातीचं लक्षण असू शकतं.
तोंडात फक्त लाल रंगाचे डाग किंवा लाल आणि पांढरे मिसळलेले डाग दिसत असल्यास, हे कॅन्सरच्या पहिल्यांदा दिसणाऱ्या टप्प्याचे चिन्ह मानलं जातं. हे चट्टे ओरल कॅन्सरमध्ये रूपांतरित होण्याची शक्यता असते. त्यामुळे लगेचच डॉक्टरांचा सल्ला घ्या.
काही रुग्णांना सतत थकवा, जेवण्याची इच्छा कमी होणं, वजन कमी होणं अशी लक्षणं जाणवतात. अशावेळी ही लक्षणं शरीरातील गंभीर आजाराची विशेषतः कॅन्सरची सुरुवात असू शकतात.
डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.