सुंदर दिसायचं असेल तर आपण आपल्या नखांवरही मेहनत घेतो. मात्र कधी तुम्ही तुमच्या नखांवर नीट लक्ष दिलंय का? याचं कारण म्हणजे तुमची नखं तुमच्या आरोग्याबाबत देखील माहिती देतात. यामध्ये खासकरून तुमची नख तुमच्या लिव्हरबाबत माहिती देतात. यकृत म्हणजेच लिव्हर शरीरातील सर्वात महत्वाचा अवयव आहे आणि त्यामध्ये झालेल्या बिघाडाची लक्षणं तुमच्या नखांवरून स्पष्टपणे दिसून येतात.

ज्यावेळी तुमचं लिव्हर योग्य पद्धतीने काम करत नाही तेव्हा त्याची लक्षणं त्वचा, डोळे आणि नखांवर दिसून येतात. जर तुमच्या नखांमध्ये विचित्र बदल दिसून येतात तेव्हा त्या्कडे चुकूनही दुर्लक्ष करू नका. नखांवर यावेळी कोणती लक्षणं दिसून येतात ते पाहूयात.

लिव्हर खराब झाल्याची लक्षणं

नखं पांढरी पडणं

जर तुमच्या नखांचा रंग पिवळा किंवा पांढरा होऊ लागला तर ते लिव्हरच्या सिरोसिसचं लक्षण मानलं जातं. ही एक गंभीर यकृताची परिस्थिती आहे ज्यामध्ये लिव्हरच्या पेशी हळूहळू खराब होऊ लागतात.

नखं तुटू लागणं

जर तुमची नखं सहजपणे तुटत असतील तर तुम्ही काळजी घेतली पाहिजे. जर तुमची नख कमकुवत होऊन ती सहजपणे तुटत असतील तर तुमच्या यकृतामध्ये समस्या असल्याचं हे लक्षण आहे.

नखांवर काळे डाग

नखं काहीशी काळी प़णं हे हिपॅटायटीस बी किंवा सी चे लक्षण असू शकतं. हे लिव्हरच्या इन्फेक्शनशी संबंधित आहे.

नखांचा रंग पिवळा होणं

जर नखांचा रंग अधिकच पिवळा किंवा तपकिरी होत असेल तर ते पित्त निर्मितीतील अडथळ्याचे लक्षण असू शकतं. ही समस्या देखील लिव्हरशी संबंधित आहे.

नखांच्या खाली सूज येणं

नखांच्या खालील भागाला सूज आली असेल तर ते हेपेटायटीसचं लक्षण असू शकतं. त्यामुळे या समस्येकडे दुर्लक्ष करू नका.

लिव्हरचं आरोग्य चांगलं ठेवण्यासाठी उपाय

• भरपूर पाणी पिऊन हायड्रेट राहा

• जंक फूड आणि तळलेले पदार्थ खाऊ नका

• दररोज आहारात हिरव्या भाजांचा समावेश करा

• नियमित व्यायाम करा

• वेळोवेळी लिव्हरची टेस्ट करून घ्या