Health Tips : मधुमेह हा आजार हल्ली प्रत्येक वयोगटातील लोकांमध्ये दिसून येत आहे. आजच्या या धावपळीच्या जगात आपण आरोग्याकडे दुर्लक्ष करत असाल तर वेळीच सावधान व्हा.

बहुतांश लोक मधुमेह या रोगाचे शिकार झाले आहेत. मधुमेह असणाऱ्या साधारण जखम झाली तरी ती जखम भरून निघायला जास्त वेळ लागतो. परंतु, तुम्हाला मधुमेह नसेल आणि तरीसुद्धा तुमची जखम भरायला जास्तीचा कालावधी लागत असेल, तर स्वतःच्या आरोग्याकडे दुर्लक्ष करण्याचा मूर्खपणा तुम्ही करू नका. असं होण्याचं कारण म्हणजे तुमच्या शरीरातील कमी होणारे झिंकचे प्रमाणं. आपल्या शरीरात कमी होणाऱ्या झिंकच्या प्रमाणामुळे आपल्या जखमा बऱ्या होत नाही.

मधुमेह झाल्यावर माणसांच्या जखमा ठीक होण्यास जास्त वेळ लागतो. झिंकच्या कमतरतेमुळे सुध्दा तेवढाच किंवा त्याच्यापेक्षा जास्त कालावधी शरीरावरील जखम भरण्यास लागतो.

1. झिंकची कमतरतेमुळे होणारा त्रास

• झिंक हे आपल्या शरीरातील अतिशय महत्त्वाचे घटक आहे. शरीरातील एका पोषक तत्त्वांपैकी झिंक हे मानले जाते.

• झिंकच्या कमतरतेमुळे शरीरावरील जखम भरण्यास जास्त वेळ लागतो. जखम भरण्यासाठी झिंक हे फार फायदेशीर ठरते.

• अशातच आपण आपल्या आहारात झिंकयुक्त पदार्थांचे सेवन केले पाहिजे.

• यामुळे आपल्या शरीरात झिंकचेप्रमाण व्यवस्थितरित्या टिकून राहते. त्याचबरोबर झिंकच्या कमतरतेमुळे आणखीन समस्या उद्भवू शकतात.

• जसं की, केस गळणे, लो इम्युनिटी, शरीरामध्ये थकवा जाणवणे, त्याचबरोबर झिंकच्या कमतरतेमुळे त्वचेचे रोग उद्भवण्याचे प्रमाण वाढते.

2. झिंक रोगप्रतिकारक शक्तीसाठी आवश्यक आहे

1. त्वचेला निरोगी आणि स्वस्थ ठेवण्यासाठी झिंक हे आपल्यासाठी फायदेशीर असते. आपल्या शरीराला झिंक फार कमी प्रमाणात लागतं.

2. पण ते तितकंच महत्त्वाचं देखील असतं. अन्यथा, त्याचे विपरीत परिणाम आपल्या शरीरावर दिसून येतात.

3. त्याचबरोबर झिंकच्या कमतरतेमुळे डायरीया, केस गळणे, सतर्कता कमी होणे, वास आणि चवी मध्ये कमतरता व फरक जाणवणे, वजन कमी होणे अशा पद्धतीची लक्षणे झिंकच्या कमतरतेमुळे दिसून येतात.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.