Bhaubeej 2023 Shubh Muhurat :

दिवाळी हा सण वर्षभरातील सर्वात मोठ्या सणांपैकी एक सण. आनंददायी, उत्साही, चैतन्य वाढवणारी दिवाळी. दिवाळीतील सगळ्यांचा आवडता सण भाऊबीज.

भाऊबीजेचा सण हा यम द्वितीया म्हणून ओळखला जातो. भावाला दीर्घायुष्य मिळावे म्हणून बहिण यम राजाची पूजा करते. तसेच त्याला चांगले आणि सुरक्षित आयुष्य लाभावे अशी प्रार्थना देखील मिळेल. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

कार्तिक महिन्याच्या शुक्ल पक्षातील द्वितीयाला तिथीला दरवर्षी भाऊबीज (Bhaubeej) साजरा केली जाते. यंदा हा सण १५ नोव्हेंबर बुधवारी साजरा (Celebrate) केला जाणार आहे. यंदा भाऊबीजेला शुभ मुहूर्त कधी? औक्षण कसे कराल? जाणून घ्या

1. भाऊबीजेचा शुभ मुहूर्त कधी?

कार्तिक महिन्याच्या शुक्ल पक्षातील द्वितीया तिथीला मंगळवारी १४ नोव्हेंबरला दुपारी ०२ वाजून ३६ मिनिटांनी सुरु होईल. ही तिथी दुसऱ्या दिवशी १५ नोव्हेंबरला बुधवारी दुपारी १ वाजून ४७ मिनिटांने समाप्त होईल. उदय तिथीनुसार १५ नोव्हेंबरला भाऊबीज साजरी केली जाईल.

१५ नोव्हेंबरला दुपारी १ वाजून १० मिनिटांनी ते ३ वाजून २२ मिनिटांपर्यंत असणार आहे. या शुभ मुहूर्तावर भावाचे औक्षण करु शकता.

भाऊबीज 2023 पूजा विधी

भाऊबीज सणाच्या दिवशी भाऊ-बहिणी सकाळी लवकर उठून ब्रह्म मुहूर्तावर स्नान करून घरातील मंदिरात दिवा लावतात. या दिवशी भगवान विष्णू आणि गणेशाच्या (Ganesh) पूजेला विशेष महत्त्व आहे. भाऊबीजच्या दिवशी बहिणीने आपल्या भावाला घरी बोलावून त्याला टीळा लावून स्वतःच्या हाताने भोजन भरवण्याची प्रथा आहे. शुभ मुहूर्तावर भावाला तिलक लावल्याने जीवनात यश मिळते आणि येणारे सर्व अडथळे दूर होतात.