Diabetes Control Empty Stomach Foods saam tv
लाईफस्टाईल

Diabetes Control: सकाळी रिकाम्या पोटी खा हे पदार्थ; औषधांशिवाय कंट्रोलमध्ये राहील डायबेटीस

Diabetes Control Empty Stomach Foods: सध्या चुकीच्या जीवनशैलीमुळे रक्तदाब आणि मधुमेहाची समस्या खूप सामान्य होताना दिसतेय. यामध्ये जर तुम्हाला ते नैसर्गिकरित्या नियंत्रणात ठेवायचं असेल तर तुम्ही काही गोष्टी तुमच्या सकाळच्या वेळी उपाशी पोटी खाणं फायद्याचं आहे

ब्युरो रिपोर्ट, साम टीव्ही, मुंबई

सध्याचा ताणतणाव आणि चुकीच्या आहारामुळे अनेक समस्या आपल्या मागे लागतात. यामध्ये व्यायामही न केल्याने मधुमेहासारख्या तक्रारी उद्धवू शकतात. मधुमेह आणि हाय ब्लड प्रेशर या दोन्ही समस्यांना सायलेंट किलर मानलं जातं. याचं कारण म्हणजे हे आजार हळूहळू तुमच्या शरीराला नुकसान पोहोचवतात.

एकदा का मधुमेह किंवा बीपीचा त्रास सुरु झाला तर तो पूर्णपणे बरा होऊ शकत नाही. मात्र काही गोष्टींची काळजी घेतल्यास या समस्यांना कंट्रोलमध्ये ठेवलं जाऊ शकतं. जर सकाळी रिकाम्या पोटी तुम्ही काही गोष्टींचं सेवन केलं तर हाय बीपी आणि डायबेटीजच्या समस्येला कंट्रोल केलं जाऊ शकतं. यामध्ये कोणत्या गोष्टींचा समावेश आहे ते पाहूयात.

भिजवलेले मेथीचे दाणे

मेथीच्या बियांमध्ये अँटीऑक्सिडंट गुणधर्म भरपूर असतात. याशिवाय त्यामध्ये भरपूर प्रमाणात फायबर देखील असतं. मेथीच्या बिया आरोग्यासाठी खूप फायदेशीर मानल्या जातात. यामध्ये रात्री फक्त १ चमचा मेथीचे दाणे एका ग्लास पाण्यात भिजवा. सकाळी रिकाम्या पोटी मेथीचे दाणे चावून खा आणि त्याचं पाणी प्या. हे नियमितपणे केल्याने रक्तातील साखरेची पातळी नियंत्रित राहते.

लसणाच्या पाकळ्या

उच्च रक्तदाब आणि मधुमेहाच्या समस्येपासून आराम मिळवण्यासाठी तुम्ही लसूणचा वापर करू शकता. लसूणमध्ये अ‍ॅलिसिन नावाचा घटक असतो, जो केवळ रक्तदाब कमी करण्यास मदत करत नाही तर रक्तातील साखरेची पातळी नैसर्गिकरित्या नियंत्रित करण्यास देखील मदत करतो. यासाठी दररोज सकाळी रिकाम्या पोटी १-२ कच्च्या लसूण पाकळ्या चावून खा आणि नंतर एक ग्लास कोमट पाणी प्या.

कच्चा आवळा

आवळ्यामध्ये व्हिटॅमिन सी असतं ज्यामध्ये अँटीऑक्सिडंट गुणधर्म भरपूर आहेत. जरी ते शरीरासाठी अनेक प्रकारे फायदेशीर असले तरी, मधुमेहाच्या रुग्णांसाठी आणि उच्च रक्तदाबाने ग्रस्त असलेल्या रुग्णांसाठी ते रामबाण उपाय ठरू शकतात. सकाळी रिकाम्या पोटी फक्त १ ताजा आवळा खा किंवा आवळ्याचा रस प्या.

भिजवलेले बदाम

सकाळी रिकाम्या पोटी भिजवलेले बदाम खाणं हे हृदय आणि मेंदू दोघांसाठीही फायदेशीर मानलं जातं. बदामांमध्ये हेल्दी फॅट, मॅग्नेशियम आणि भरपूर फायबर असतं जे हृदयासाठी खूप फायदेशीर मानलं जातं. रात्री ४-५ बदाम भिजवा, सकाळी सोलून घ्या आणि नंतर चावून खा.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Anant Chaturdashi 2025 live updates : अलका टॉकीज चौकात "श्रीमंत" दाखल

Ganesh visarjan 2025 : गणपतीचे विसर्जन करताना विपरीत घडलं, तीन तरुण पाण्यात वाहून गेले

Pune News: पुण्यात दगडूशेठ गणपतीची महाआरती पाहा VIDEO

ITR Filing : टॅक्स रिफंड परताव्याचा फॉर्म अडकून पडलाय? मग 'या' गोष्टी एकदा तपासाच

Akola Accident: गणेश विसर्जन करून परताना भक्तांवर काळाचा घाला; तरुणाचा जागीच मृत्यू

SCROLL FOR NEXT