Relationship Tips : प्रेमाचे नाते भावनेशी जोडलेले असते. त्याची तार इतकी नाजूक आहे की, ती नेहमी सुरक्षित असावी असे आपल्या प्रत्येकाला वाटते. जेव्हा दोघांनाही नातेसंबंधातून काय हवे आहे? हे माहित असते आणि त्यांना त्यांच्या गरजा, अपेक्षा, तक्रारी आणि इच्छा व्यक्त करण्यात असहजता वाटत नाही, तेव्हा ते दोघांमधील नाते मजबूत करते. यानंतर, आपण नातेसंबंधात एक पाऊल पुढे जातो आणि एकमेकांचे मित्र (Friends) बनतो.

अनेक वेळा नात्याच्या (Relation) सुरुवातीला खूप संवाद घडतो पण, काळाच्या ओघात ते कमी होऊ लागते. काहीवेळा असे होते की, आपल्या जोडीदाराला आपल्याशी बोलायचे असते पण आपल्याला त्यात रस नसतो किंवा आपण त्याला टाळण्याचा प्रयत्न करतो. जोडीदाराच्या मनात काय चालले असेल, याचा अंदाज येत नाही त्यामुळे अनेकदा नात्यात खटके उडू लागतात. ही समस्या वेळीच सोडवली नाही, तर अनेक वेळा संभाषण न झाल्यामुळे नात्यात दरी निर्माण होऊ लागते. त्यामुळे जर आपल्यालाही अशा प्रकारची समस्या होत असेल तर काही सोप्या टिप्स पाहूयात, ज्याची मदत घेऊन आपण आपले नाते अधिक दृढ करु शकतो.

१. एकमेकांसोबत फिरायला जा-

प्रत्येकाची परिस्थिती वेगळी असते. अशा परिस्थितीत, इतरांना पाहून आपण बाहेरच्या सहलीची योजना आखली पाहिजे असे नाही, जर आपल्या बजेटमध्ये प्रवासाचा समावेश नसेल, तर आपण आपल्या जोडीदारासोबतही फिरायला जाऊ शकतो. यामुळे दोघांना घरातील वातावरणातून थोडा वेळ विश्रांती मिळेल.

२. जोडीदारासाठी काहीतरी खास करा-

कधी कधी प्रेम करण्यासोबतच जोडीदाराला प्रेमाची जाणीव करून देणेही आवश्यक असते. आपल्या जोडीदारासाठी काही खास करून आपल्या नात्याला अधिक मजबूत करू शकतो. आपण आपल्या जोडीदाराला खूश करण्यासाठी त्याच्या आवडी निवडी जपा.

३.जोडीदाराला मनातले लिहून सांगा-

कधी कधी लोक इतके व्यस्त होतात की, त्यांना एका छताखाली राहून बोलायला वेळ मिळत नाही.अशा परिस्थितीत आपण आपल्या मनातील गोष्टी जोडीदाराला पत्राद्वारे लिहून सांगणे फार महत्वाचे आहे. यामुळे जोडीदाराला रागही येणार नाही आणि त्यांना चांगलं वाटेल.

४. डेटवर जावे -

डेटवर जाण्याचा अर्थ असा नाही की आपण आपल्या जोडीदारासोबत कुठेतरी बाहेर जावे, पण आपण घरीही डेटसाठी काही खास करू शकतो. चांगले कपडे घालून जेवणात काहीतरी खास ऑर्डर करा आणि घराची सजावट करा.