Raksha Bandhan Special : आचार्य चाणक्य यांची सगळीच धोरणे तसेच विचार तुम्हाला थोडे कठोर वाटतील, पण हा कठोरपणा जीवनाचे सत्य सांगतात. धकाधकीच्या या जीवनात आपण अशा विचारांकडे दुर्लक्ष करतो, परंतु जीवनाच्या प्रत्येक वाटेवर हे शब्द आपल्याला आठवतात आणि त्यांची आपल्याला मदत देखील होते. आज आपण आचार्य चाणक्यांच्या या विचारांवरून आणखी एका वाक्याचे विश्लेषण करूयात. आजचा विचार अहंकारावर आधारित आहे

'लिंबाचे काही थेंब जसे दूध आणि पाणी वेगळे करतात. तसेच पैशाचा थोडासा अहंकार भाऊ-बहीण आणि भाऊ-भाऊ यांच्यातील नाते वेगळे करतो.' - आचार्य चाणक्य

आचार्य चाणक्याच्या या विधानाचा अर्थ असा आहे की माणसाच्या आत थोडासाही अहंकार आला तर तो सर्व काही नष्ट करतो. या अहंकाराच्या आगीत फक्त आदरच जळून राख होत नाही तर नातीही (Relations) तुटतात. बहुतेक लोकांमध्ये पैशांच्या बळावर गर्व येतो. त्यांच्याकडे जितकी संपत्ती असेल तितका त्यांचा अहंकार वाढतो.

वास्तविक जीवनात, आपण अशा अनेक अहंकाराने भरलेल्या लोकांसमोर येतो. अहंकार त्यांच्या आत इतका भरलेला असतो की, काढण्याचा प्रयत्न जरी केला तरीही तो काढता येत नाही. जर हा अहंकार मर्यादेपलीकडे गेला तर तुमची नातीही त्यांच्या कोंडीत सापडतात. मग हे नाते तुमच्या मनाशी कितीही जवळचे असो, या नात्यांमध्ये पिता-पुत्र, भाऊ-बहीण आणि भाऊ-भाऊ या नात्यांचा समावेश होतो.

आयुष्यातील या नात्यांमध्ये जर तुम्ही तुमचा गर्व (Pride) आणण्यापासून स्वतःला रोखू शकला नाहीत तर ही नाती प्रेमाऐवजी कटुतेने भरून जातात. आयुष्यात मनात गर्व आणण्याची भावना एकदाही निर्माण झाली तरी खुप वेळा प्रयत्न करूनही तुमची नाती बिघडतील.

गर्वाच्या भावनेमुळे नात्यांमध्ये आणि तुमच्यामध्ये अशी जागा निर्माण करेल की तुम्हाला हवे असल्यास ओलांडता येणार नाही. जसे लिंबाचं पाणी (Water) टाकलं की दूध आणि पाणी पूर्णपणे वेगळे होतात. मग लाखो वेळा प्रयत्न करूनही तुम्ही दूध पूर्वीसारखे सामान्य करू शकत नाही.