पितृपक्षाविषयी अनेक समज- गैरसमज आहेत. पितृपक्षात काही गोष्टी करणं टाळलं जातं. यानुसार पितृपक्षात वाढदिवस साजरा करावा की नाही याविषयी सध्या चर्चा सुरू आहे. सोशल मिडिया प्लॅटफॉर्मवर यासंदर्भात पोस्ट समोर आली आहे. अनेकांनी यावर आपली मते सांगितली आहे.

असं मानलं जातं की, पितृपक्षात कोणतीही शुभ कार्ये करू नये. व्यवहार, प्रॉपर्टी, नवीन कपडे खरेदी करणं अशुभ मानलं जाते. मात्र पितृपक्षात वाढदिवस आला असेल तर तो करावा की नाही असा प्रश्न आहे.

वाढदिवस हा प्रत्येकासाठी खास दिवस असतो जो सर्वजण आनंदाने साजरा करतात शास्त्रानुसार, पितृपक्षाबद्दल नकारात्मकता असणे अत्यंत चुकीचे आहे. पितृपक्षाचा काळ हा पूर्वजांच्या आशिर्वादाचा काळ मानला जातो. ते आपल्याला आशीर्वाद देतात. म्हणून तुम्ही पितृपक्षात वाढदिवस साजरा करू शकतात ही चांगली गोष्ट आहे. कारण तुमच्या वाढदिवसा दिवशी तुम्हाला पूर्वजांचा आशीर्वाद मिळेल. ते देखील तुमचेच पूर्वज आहे. तुमची वंशावळ आहे.

जर एखाद्या व्यक्तीचा वाढदिवस पितृपक्षात येत असेल तर त्यांनी त्यांचा वाढदिवस साजरा करावा. यादिवशी तुम्ही मंदिरात जाऊ शकता, दान करू शकता किंवा झाडे देखील लावू शकता. म्हणून जर तुमचा वाढदिवस पितृपक्षात येत असेल तर ते शुभ आहे. कारण या प्रसंगी तुम्ही तुमच्या कुटुंब आणि मित्रांसह तुमच्या पूर्वजांना आनंदा सहभागी करू शकता.