बहुतेक स्त्रिया ऑफिसला जाताना रोज लोकलने प्रवास करतात. तसेच दिवसेंदिवस लोकलमधून प्रवास करणाऱ्यांची संख्या वाढत आहे. लोकलच्या गर्दीत बसायला जागा देखील मिळत नाही. काही जणांचे काम तर दिवसभर उभं राहूनच करायचे असते. जसे कि, शॉप किपर, रिसेप्शनिस्ट इ. जास्तवेळ उभं राहिल्याने पाय दुखतात, गुढगे दुखतात, थकवा येतो, पाठीचा कणा दुखतो, रक्ताभिसरण कमी होऊन पायांमध्ये सुज येण्याची शक्यता असते. शिवाय कंबर आणि खांद्यांवर देखील ताण येतो.

काही स्त्रिया दैनंदिन जीवनात उंच टाचांचे आणि अरूंद फूटवेअर वापरतात. ज्यामुळे टाचांवर जोर पडतो आणि दिवसभर पाय दुखत राहतात. अतिरिक्त काम करण्यास एनर्जी मिळत नाही. म्हणून योग्य फूटवेअर वापरणे आवश्यक आहे. यासाठी मऊ कुशन असलेले आणि कम्फर्ट देणारे फूटवेअर वापरलायला हवे. ते टाचांना चांगला सपोर्ट देतात. यामुळे पाय दुखण्यापासून आराम मिळतो. शिवाय रूंद आकाराचे सँडल्स किंवा शूज चालताना त्रास देत नाही.

हे काही विशिष्ट शूज लोकलने प्रवास करणाऱ्या महिलांसाठी अगदी योग्य पर्याय ठरतील :

१. कम्फर्ट शू - यामध्ये चांगले कुशनिंग आणि सपोर्ट असतो.

२. वॉकिंग शूज - हे शूज विशेषत: चालण्यासाठी डिझाइन केले जातात.

३.स्पोर्ट्स शूज - काही स्पोर्ट्स शूज देखील चांगले कुशनिंग आणि सपोर्ट देतात.

४. इनसोल - जर तुमचे शूज पुरेसे आरामदायक नसतील, तर तुम्ही त्यात इनसोल (orthotic insoles) वापरू शकता, जे अतिरिक्त कुशनिंग आणि सपोर्ट देतील.

शूज निवडताना या गोष्टी लक्षात ठेवा :

१. टाच - टाचेची उंची कमी असावी.

२. रुंदी - पायाला पुरेसा वाव मिळावा यासाठी रुंद पायाचे बोट असलेले शूज निवडा.

३. कुशनिंग - चांगले कुशनिंग असलेले शूज निवडा जे तुमच्या पायांना आराम देतील.

४. सपोर्ट - पायाला चांगला सपोर्ट देणारे शूज निवडा.

५. साहित्य - ब्रिदेबल साहित्य असलेले शूज निवडा.