सध्याच्या बदलत्या लाइफस्टाइलमुळे अनेकांना कमी वयातच काही गंभीर आजारांना सामोरं जावं लागतंय. कामाच्या धावपळीतून स्वत:च्या आरोग्याकडे लक्ष न दिल्यामुळे या समस्यांना सामोरं जावं लागतंय. आता उन्हाचेही तापमान वाढत चाललेले पाहायला मिळत आहे. त्याने सर्वांनाच थकवा, चक्कर, जास्त घाम येणे अशा समस्या जाणवायला लागल्यात.

त्यात जर तुम्ही ब्लड प्रेशरचे रुग्ण असाल तर, हृदयरोग, स्ट्रोक आणि किडनी फेल्युअरसारख्या गंभीर आजारांना तुम्हाला कोणत्याही वयात सामोरं जावं लागू शकतं. अशावेळेस तुम्ही तुमच्या दैनंदिन आयुष्यात काही बदल करणे महत्वाचे ठरु शकते.

सगळ्यात महत्वाचा पहिला मुद्दा म्हणजे रक्तदाब मोजताना चुकीच्या आकाराचा कफ वापरणं थांबवलं पाहिजे. कारण त्याचा आकार लहान असल्यास तुम्हाला रीडिंगचा अंदाज घेता येत नाही. डॉक्टरांच्या मते, कपड्यांवरून कफ बांधल्यामुळे 5 ते 50 पॉइंट्सपर्यंत फरक पडू शकतो. तसेच BP तपासताना फोनवर बोलणं किंवा बोलंणं तुम्ही टाळलं पाहिजे. कारण रीडिंग 10 ते 15 mm Hg ने वाढू शकतं. त्यामुळे BP तपासताना शांत बसा आणि कोणत्याही व्यत्ययापासून दूर राहा.

रक्तदाब तपासण्याआधी लघवीला तुम्ही जाऊन या. जर तुमचा मूत्राशय भरलेला असेल तर 'फाइट ऑर फ्लाइट' प्रतिक्रिया सक्रिय होते. म्हणजे तुमच्या हृदयाची हार्ट बीट वाढते आणि रक्तदाब तात्पुरता वाढतो. यामुळे रीडिंग 10 ते 15 mm Hg ने वाढू शकते. तसेच हाताची चुकीची पोझिशनही यावर परिणाम करते. हात खूप वर किंवा खाली असेल तर रीडिंग चुकीचं येतं आणि 10 mm Hg चा फरक पडू शकतो. ही काळजी घेऊन तुम्ही रक्तदाब तपासू शकता.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.