हृदयविकाराचा झटका म्हणजेच हार्ट अटॅक ही सर्वात गंभीर परिस्थिती मानली जाते. आजकाल कोणत्याही वयात ही समस्या दिसून येते. खासकरून ही अत्यंत गंभीर आणि जीवघेणी स्थिती आहे. अगदी तरूण मुलांमध्येही आजकाल ही समस्या मोठ्या प्रमाणात दिसून येते. यामध्ये हृदयाकडे जाणारा रक्तपुरवठा अचानक थांबतो. हा रक्तपुरवठा थांबण्यामागे अंतर्गत किंवा बाह्य कारणं असू शकतात.

तज्ज्ञांच्या म्हणण्यानुसार, ज्यावेळी हृदयाला पुरेशा प्रमाणात रक्त मिळत नाही तेव्हा हृदयाच्या पेशी मरण पाऊ लागतात. त्यामुळे हृदयाची कार्यक्षमता कायमची बाधित होऊ शकते. धक्कादायक म्हणजे, आजकाल हृदयविकाराचा झटका मुलांमध्येही दिसू लागला आहे. त्यामुळे पालकांनी याची लक्षणं ओळखणं गरजेचं आहे. पाहूया मुलांमध्ये हार्ट अटॅकची कोणती लक्षणं दिसू येतात.

छातीत वेदना किंवा अस्वस्थता

हे सर्वात सुरुवातीचं तसंच महत्त्वाचं लक्षणं आहे. यामध्ये मुलाच्या छातीत तीव्र वेदना होऊ शकतात. यावेळी मुलाला छातीवर कोणीतरी जोरात मारतंय असं वाटण्याची शक्यता आहे. या वेदना थोड्या वेळासाठी असली तरीही त्याकडे दुर्लक्ष करू नये.

श्वास घेण्यास त्रास होणं

जर मुलाला नेहमीप्रमाणे श्वास घेण्यास त्रास होते असेल, तो सतत धापा टाकत असेल किंवा श्वास गुदमरल्यासारखा वाटत असेल, तर हे हृदयाचं कार्य नीट होत असल्याचा गंभीर इशारा आहे. श्वसनाचा वेग खूप वाढणं किंवा अचानक थांबणं ही लक्षणं दिसल्यास त्वरित डॉक्टरांकडे जा.

अनावश्यक घाम येणं

गरम हवामान नसतानाही किंवा कोणतीही शारीरिक मेहनत न करताही मुलाला जास्त प्रमाणात घाम येत असेल तर हे हृदयावर ताण आल्याचं लक्षण असू शकतं. विशेषतः रात्रीच्या वेळी जास्त घाम येत असेल तर पालकांनी तात्काळ मुलाला डॉक्टरकडे नेलं पाहिजे. कारण हृदयाकडे काम करण्याची कार्यक्षमता नसते तेव्हा शरीर जास्त घाम काढून प्रतिसाद देतं.

जबड्यात किंवा चेहऱ्यावर वेदना

जबड्यातील वेदना म्हणजे दातांची समस्या असा अनेकांचा समज आहे. हृदय नीट काम करत नसल्यास जबड्यामध्ये किंवा चेहऱ्यावर त्याचप्रमाणे मानेला सुया टोचल्यासारख्या वेदना होण्याची जाणवू शकतात. मुलांमध्ये हा त्रास अधिक तीव्र होण्याची शक्यता असते. जर हे लक्षण मुलांमध्ये दिसल्यास हार्ट अटॅकचा धोका जाणवतो.

अतीप्रमाणात थकवा

जर मुलाला दिवसभर सतत थकल्यासारखं वाटत असेल तर हे लक्षणं हलक्यात घेऊ नका. यामध्ये अगदी पुरेशी झोप घेतल्यानंतरही मूल दमलेलं वाटत असेल तिंवा कोणतंही छोटं काम केल्यानंतरही ऊर्जा नसल्यासारखे वाटत असेल तर हे हृदय कमकुवत होण्याचं लक्षण असू शकतं. हृदय ज्यावेळी शरीराला योग्य प्रकारे रक्तपुरवठा करू शकत नाही, तेव्हा ऊर्जा कमी पडू लागते आणि सतत थकवा जाणवतो.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत