एप्रिल मे महिना हा काळ लग्नाच्या धामधुमीचा मानला जातो. या दिवसांमध्ये शुभ कार्य केली जातात. आनंदाची बातमी म्हणजे एप्रिल 2026 हा महिना शुभ कार्यासाठी अत्यंत महत्वाचा आणि चांगला असणार आहे. महिन्याच्या सुरुवातीला या कार्यांमध्ये अडथळे येऊ शकतात. पण हा वेळ संपला की, तुम्हाला याचा सगळ्यात जास्त लाभ होईल.

सूर्य मीन राशीत असताना हा काळ अपवित्र मानला जातो. पण 14 एप्रिल रोजी सूर्य मेष राशीत प्रवेश करताच खरमास संपेल आणि 15 एप्रिलपासून पुन्हा सर्व शुभकार्यांना सुरुवात होणार आहे.

यावर्षी एप्रिल महिन्यात लग्नासाठी अनेक चांगले मुहूर्त असणार आहेत. 15 एप्रिल रोजी उत्तर भाद्रपद नक्षत्रात दुपारी 3:22 ते रात्री 10:31 पर्यंतचा काळ शुभ मानला जात आहे. 20 एप्रिलला रोहिणी नक्षत्रात पहाटे 4:35 ते 7:28 पर्यंत विवाहासाठी अनुकूल वेळ आहे. 21 एप्रिलला मृगशिरा नक्षत्रात पहाटे 4:15 ते 5:52 हा मुहूर्त चांगला मानला जाणार आहे. 25 एप्रिललाही लग्नासाठी चांगली परिस्थिती राहणार आहे.

26 एप्रिल रोजी मघा नक्षत्रात सकाळी 5:47 ते रात्री 8:27 पर्यंत मोठा आणि शुभ कालावधी असेल. 27 एप्रिलला उत्तराफाल्गुनी नक्षत्रात रात्री 9:18 ते 9:35 हा लहान पण शुभ मुहूर्त आहे. 28 एप्रिल रोजी दिवसभर सकारात्मक नक्षत्रांचा प्रभाव राहणार आहे. 29 एप्रिलला हस्त नक्षत्रात सकाळी 5:59 ते सायंकाळी 7:52 हा वेळ शुभ कार्यासाठी उत्तम मानला असणार आहे.

या महिन्यातला सर्वात महत्वाचा दिवस म्हणजे अक्षय तृतीया, जी 19 एप्रिल 2026 रोजी येत आहे. धार्मिक मान्यतेनुसार हा अबूझ मुहूर्त मानला जातो. या दिवशी केलेल्या कार्यांचं फळ तुम्हाला नक्कीच मिळतं आणि जीवनात सुख-समृद्धी येते, असं मानलं जातं.