दिवाळी हा सण भारतात मोठ्या धामधुमीत साजरा केला जातो. दिवाळी या सणामध्ये इतर सणांचा ही समावेश असतो. पुढे आपण ज्योतिषतज्ज्ञ पंचागकर्ते मोहन दाते यांनी प्रसार माध्यमांवर सांगितलेले सगळ्या सणांचे शुभ मुहूर्त जाणून घेणार आहोत.

येत्या २० ऑक्टोबर २०२५ रोजी नरक चतुर्थीचे पहिले अभ्यंगस्नान असणार आहे. हे स्नान सुर्योदयापुर्वी करावे. कारण हा प्रातक काळ खूप महत्वाचा मानला जाणार आहे. पुढच्या दिवशी अमावस्या असणार आहे. सुर्योदयापासून ते सुर्यास्तापर्यंतच्या काळात तुम्ही लक्ष्मीपूजन करू शकता. याची पंचांगानुसार तारिख म्हणजे २१ ऑक्टोबर २०२५ आहे.

साडे तीन मुहूर्तांपैकी एक शुभ दिवस म्हणजे पाडव्याचा दिवस आहे. यंदा पाडवा २२ ऑक्टोबरला असणार आहे. या शुभ दिनी तुम्ही वाहन खरेदी, नवीन वस्तुंची, दागिन्यांची खरेदी, कपड्यांची खरेदी करु शकता. तसेच हा दिवस लग्न झालेल्या जोडप्यांसाठी खूप महत्वाचा असणार आहे. या दिवशी पत्नीने पतीला ओवाळणे अत्यंत शुभ मानले जाणार आहे. तसेच नवऱ्याकडून भेट वस्तू देखील घ्यावी, हा त्यांचा हक्क आहे.

23 ऑक्टोबरला भाऊबीज असणार आहे. हा भावा बहिणीच्या नात्याचा अत्यंत महत्वाचा दिवस असणार आहे. यादिवशी बहीणीने भावाला ओवाळून त्याच्याकडून गिफ्ट घ्यायचे आहे. तर भावानेही बहीणीच्या हातचे जेवणे खायचे आहे. हा दिवस आनंदात घालवायचा प्रयत्न केला पाहिजे. सामाजिक सलोखा जपणारा हा सण सगळ्यांनी आनंदात केला पाहिजे. तसेच ही महत्वाची माहिती लक्षात घेणे सुद्धा आवश्यक आहे.