भारतीय संघाने टी-२० वर्ल्डकप स्पर्धेतील फायनलमध्ये दक्षिण आफ्रिकेला पराभूत केलं. यासह दुसऱ्यांदा आयसीसी टी-२० वर्ल्डकपची ट्रॉफी उंचावली आहे.

वर्ल्डकप जिंकल्यानंतर २ जुलै रोजी भारतीय संघ मायदेशात दाखल होणार होता. मात्र बारबाडोसमधील चक्रीवादळामुळे खेळाडूंना भारतात येण्यास उशीर झाला.

बुधवारी एअर इंडियाचं विमान बारबाडोसमध्ये दाखल झालं आहे. भारतीय खेळाडू, सपोर्ट स्टाफमधील सदस्य, खेळाडूंच्या कुटुंबातील सदस्य आणि पत्रकार वर्ल्डकप ट्रॉफीसह मायदेशात येण्यासाठी रवाना झाले आहेत.

भारतीय संघातील खेळाडू भारतात आल्यानंतर जोरदार जल्लोष केला जाणार आहे. गुरुवारी सकाळी हे विमान दिल्लीत लँड होणार आहे.

दिल्लीत लँड झाल्यानंतर भारतीय खेळाडू पंतप्रधान नरेंद्र मोदींसह ब्रेकफास्ट करणार आहेत.

नरेंद्र मोदींची भेट घेतल्यानंतर भारतीय खेळाडू दिल्लीहून मुंबईला येण्यासाठी रवाना होणार आहेत .

मुंबईत दाखल झाल्यानंतर भारतीय संघाची विजयी रॅली काढण्यात येणार आहे. ही रॅळी संध्याकाळी ४ वाजता, मुंबईतील नरीमन पॉईंटपासून ते वानखेडे स्टेडियमपर्यंत काढण्यात येणार आहे.

वानखेडे स्टेडियममध्ये दाखल झाल्यानंतर जय शहांच्या हस्ते बीसीसीआयने जाहीर केलेलं १२५ कोटी रुपयांचं बक्षीस दिलं जाणार आहे.