पेण हटवणे धरणातून 3.35 घमी/से एवढा पाण्याचा विसर्ग सुरू झाला आहे. त्यामुळे भोगावती भोगावती नदीच्या पाणी पातळीत वाढ झाली आहे.

पुण्यातील खडकवासला धरण परिसरात मुसळधार पाऊस सुरू असून धरणातून मोठ्या प्रमाणात पाण्याचा विसर्ग सुरू झाला आहे. त्यामुळे पुणे शहरातील नागरिकांना सतर्कतेचा इशारा देण्यात आला आहे.

पुणे आणि रायगड जिल्ह्यात सुरू असलेल्या मुसळधार पावसामुळे उल्हास नदीची पाणी पातळी प्रचंड वाढली असून बदलापुरात तर उल्हास नदी धोक्याच्या पातळीच्याही वरून वाहत आहे.

मुसळधार पाऊस सुरू असल्यामुळे बदलापूरमधील उल्हास नदीचं पाणी पात्राबाहेर पडलं आहे.

नागोठाणे शहराला पुराच्या पाण्याचा वेढा पडला आहे.अंबा नदीचं पाणी शहरात शिरलं आहे. नागरिकांना सुरक्षित ठिकाणी हलवण्यात आलं आहे. भरतीची वेळ असल्याने पाणी वाढण्याची शक्यता वर्तवली जात आहे.

शितोळेनगर जुनी सांगवी येथे पाणी साचले असून एनडीआरएफ बोटीने मदतकार्य सुरू केलं आहे.

यंदाच्या पावसाळ्यात पहिल्यांदाच पवान माई नदी मोरया गोसावी गणपती दर्शनाला आली आहे. पवना नदीच्या पाणी पातळीत अचानक वाढ झाल्याने पाणी प्रसिद्ध मोरया गोसावी गणपती मंदिरात शिरलं आहे