एकनाथ शिंदे यांनी आज राज्याचे मुख्यमंत्री पदाचा राजीनामा दिला. राज्यपालांच्या हाती त्यांनी राजीनामा सुपूर्त केला.

विधानसभेची मुदत आज संपत असल्यामुळे एकनाथ शिंदेंनी आज नियमानुसार मुख्यमंत्री पदाचा राजीनामा दिला.

कोणत्याही आघाडीकडे बहुमताचा स्पष्ट आकडा असेल तर त्यांना तो आकडा राज्यपालांची भेट घेऊन तो सादर करावा लागतो.

राज्यपाल यांच्याकडे सरकार स्थापनेसाठी काही अवधी मागण्याची विनंती करावी लागते.

पुढच्या ८ ते १० दिवसांत सरकार स्थापन करणार असल्याचं आश्वासित केल्यानंतर विधानसभेची मुदत संपल्यानंतरही सरकार स्थापन करता येतं.

त्यामुळे या काळात नवं सरकार स्थापन होईपर्यंत मुख्यमंत्री एकनाथ शिंदे हे काळजीवाहू मुख्यमंत्री राहू शकतात.

सुत्रांनी दिलेल्या माहितीनुसार, २ डिसेंबर रोजी नव्या सरकारचा शपथविधी सोहळा पार पडण्याची शक्यता आहे.

मुख्यमंत्र्यांसोबत २० आमदार मंत्रीपदाची शपथ घेण्याची शक्यता आहे.