भारतीय जीवन विमा महामंडळाने म्हणजेच LIC ने २०२४-२५ या आर्थिक वर्षासाठी अर्थमंत्री निर्मला सीतारमण यांना ७,३२४.३४ कोटी रुपयांचा लाभांश धनादेश जाहीर केला आहे.

LICने २६ ऑगस्ट २०२५ रोजी झालेल्या वार्षिक सर्वसाधारण सभेत हा डिविडेंड चेक मंजूर केला आहे.

त्यावेळेस LICचे सीईओ आणि व्यवस्थापकीय संचालक आर. दोराईस्वामी, वित्तीय सेवा विभागाचे सचिव एम. नागराजू, संयुक्त सचिव प्रशांत कुमार गोयल तसेच अनेक वरिष्ठ अधिकारी उपस्थित होते.

३१ मार्च २०२५ पर्यंत LICची मालमत्ता तब्बल ५६.२३ लाख कोटी रुपये झाली असून कंपनी जीवन विमा क्षेत्रात आघाडीवर आहे.

गुंतवणूकदारांसाठी LICने यापूर्वी जुलै २०२५ मध्ये एक्स-डिव्हिडंड व्यवहार केला होता. त्यामध्ये प्रति शेअर १२ रुपयांचा डिविडेंड चेक जाहीर केला होता.

यापूर्वी २०२४ मध्ये कंपनीने दोनदा डिविडेंड चेक दिला होता.

LICने आतापर्यंत पाच वेळा गुंतवणूकदारांना डिविडेंड चेकचा लाभ दिला आहे. दरम्यान, शुक्रवारी LIC चा शेअर २ टक्क्यांनी घसरून ८५२.२५ रुपयांवर बंद झाला.