दिल दोस्ती दुनियादारी फेम अभिनेत्री स्वानंदी टिकेकर नेहमीच आपल्या अभिनयाने प्रेक्षकांची मने जिंकत असते.

स्वानंदीने गायक आशिष कुलकर्णीसोबत लग्नगाठ बांधली आहे. स्वानंदीलादेखील गायनाची आवड आहे.

स्वानंदी आणि आशिषची भेट जुईली जोगळेकरच्या बर्थडे पार्टीत झाली होती. ते दोघे वर्सोव्यात राहत असूनही ते एकमेकांना ओळखत नव्हते.

जुईलीच्या बर्थ डे पार्टीतून निघताना त्या दोघांनी एकमेकांना नंबर दिले. त्यानंतर त्यांच्यात बोलणे झाले. पुढे दोन दिवसांतच त्यांच्यात मैत्री झाली. त्यानंतर ते एकमेकांना भेटले.

ओळख झाल्यानंतर लगेचच तिसऱ्या दिवशी आशिषने स्वानंदीला लग्नासाठी मागणी घातली.

यानंतर स्वानंदीने लगेचच आशिषला होकार सांगितला. यावेळी स्वानंदीने अट घातली होती की पुढच्या तीन महिन्यात साखरपुडा आणि त्यानंतर वर्षभरात लग्न करायचे.

स्वानंदीच्या मालिकेच्या शुटिंगमुळे त्यांना एकमेकांसोबत वेळ घालवायला मिळत नसे. त्यामुळेच त्यांनी एकत्र राहण्याचा निर्णय घेतला.

एकमेकांना तीन चार महिने डेट केल्यानंतर त्यांनी कुटुंबाला त्यांच्या नात्याबद्दल सांगितले. यानंतर त्यांनी २५ डिसेंबर २०२३ रोजी लग्नगाठ बांधली.