लंडनच्या व्हिक्टोरिया ॲन्ड अल्बर्ट म्युझियमध्ये असलेली छत्रपती शिवाजी महाराजांची ऐतिहासिक वाघनखे साताऱ्यामध्ये आणण्यात आली आहेत.
आज या ऐतिहासिक वाघनखांसह ‘शिवशस्त्रशौर्यगाथा’ या शिवकालीन शस्त्रांच्या प्रदर्शनाचे मुख्यमंत्री एकनाथ शिंदे यांच्या हस्ते दिमाखात उद्घाटन करण्यात आले.
साताऱ्यातील संग्रहालयात पार पडलेल्या या सोहळ्याला राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार, सांस्कृतिक कार्य मंत्री सुधीर मुनगंटीवार, पालकमंत्री शंभूराज देसाई, खासदार उदयनराजे भोसले, आमदार शिवेंद्रसिंहराजे भोसले आदी नेते उपस्थित होते.
या शाही सोहळ्यापूर्वी साताऱ्यातील पोवई नाका येथील छत्रपती शिवरायांच्या मुर्तीला अभिवादन करून भव्य-दिव्य रॅली काढण्यात आली.
यावेळी छत्रपती शिवरायांच्या गगनभेदी गर्जना, पारंपरिक वाद्यांचा गजर आणि मर्दानी खेळांच्या प्रात्यक्षिकांनी अवघी राजधानी सातारा नगरी शिवमय झाल्याचे पाहायला मिळाले.
उद्यापासून ही वाघनखे जनतेसाठी पाहण्यासाठी खुली होणार वाहेत. वाघनखांच्या संरक्षणासाठी सीसीटीव्ही कॅमेरे, सेन्सार त्याचप्रमाणे संरक्षण यंत्रणेमार्फत बंदोबस्त चोख ठेवण्यात आलेला आहे.
जिल्ह्यातील प्रत्येकी 2 शाळेच्या विद्यार्थ्यांना वाघनखे पाहण्यास निशुल्क उपलब्ध करुन देण्यात येणार आहेत. तर इतर प्रेक्षकांना 10 रुपये प्रमाणे तिकीट आकारण्यात येणार आहे.
सकाळी १० ते ५ या वेळेत हे संग्रहालय खुले राहणार असून वाघनखे पाहता येणार आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.