महिला स्तनाच्या कॅन्सरबाबत अनेक गैरसमजुतींवर विश्वास ठेवतात. यामधील एक म्हणजे रात्री ब्रा घालून झोपल्याने स्तनाचा कर्करोग होऊ शकतो. ही गोष्ट बऱ्याच महिला मानतात. ब्रा घालून झोपल्याने खरोखरच स्तनाचा कर्करोग होऊ शकतो का ते जाणून घेऊया.

ब्रेस्ट हेल्थ एज्युकेशन ऑर्गनायझेशनच्या मते, ब्रा घातल्याने स्तनाचा कर्करोग होतो ही गोष्ट पूर्णपणे चुकीची आहे.

ब्रा आणि स्तनाच्या कर्करोगाचा काहीही संबंध नाही. स्तनाच्या कर्करोगाची इतर कारणं असू शकतात. तज्ज्ञांच्या सांगण्यानुसार, ब्रा घालून झोपल्याने स्तनाचा कॅन्सर होत नाही.

रात्री ब्रा घातल्याने कॅन्सर होत नाही. मात्र त्यामुळे काही समस्या निर्माण होऊ शकतात.

रात्रभर घट्ट ब्रा घालून झोपल्याने रक्त प्रवाहात समस्या येऊ शकतात. ज्यामुळे वेदना किंवा जळजळ होऊ शकते.

ब्रेस्ट कॅन्सरचं सर्वात सामान्य लक्षण म्हणजे स्तनात गाठ असणं. याशिवाय स्तनाच्या आकारात बदल होणं हे देखील कॅन्सरचं एक लक्षण असू शकते.

स्तनाचा रंग बदलणं हे देखील कॅन्सरचं लक्षण मानलं जातं. स्तनाची त्वचा संत्र्याच्या सालीसारखी दिसणं हे देखील लक्षण असू शकतं.