आजचे पंचांग २४ जून २०२४

वार सोमवार - तिथी - ज्येष्ठ कृष्ण तृतीया. नक्षत्र - उत्तराषाढा . योग - ऐंद्र. करण- वाणिज. रास - मकर. दिनविशेष - १२ पर्यंत चांगला.

मेष : नवीन वाटा सापडतील

भाग्य घेऊन आजचा दिवस आलेला आहे. अनेक नवीन वाटा आणि मार्ग सहजगत्या सापडतील. लांबचे प्रवास घडतील. देवधर्मावरचा विश्वास वाढीस लागेल.

वृषभ : मोठा धनलाभ होईल

आज ताकदीपेक्षा जास्त कामे वाढतील. शारीरिक कष्ट आणि ताण यांनी दिवस भरलेला असेल. अचानक मोठे धनलाभ होण्याची शक्यता आहे.

मिथुन : कामे मनाप्रमाणे होतील

कामामध्ये भागीदाराचे उत्तम सहकार्य लाभेल. त्यातून अनेक नवीन कामाची आखणी आणि बांधणी करावी लागेल. व्यवसायासाठी काही प्रवासाचे नियोजन होऊ शकेल. कोर्टकचेरीची कामे मनाप्रमाणे होतील.

कर्क : अडचणी निर्माण होतील

आज थोड्या तब्येतीच्या तक्रारींचा दिवस वाटतो आहे. खराब पाणी किंवा तत्सम गोष्टीतून अडचणी निर्माण होतील. स्वतःची काळजी घ्या. शत्रूंना मात्र ताकास तूर लागू देऊ नका.

सिंह : सर्व इच्छा पूर्ण होतील

आपल्या नवीन गोष्टी करायचा सर्व इच्छा आज पूर्ण होतील. अपेक्षांना नवीन पंख फुटतील. कलाकुसर मनोरंजन सर्व क्षेत्रांमध्ये प्रगती होईल. संततीशी निगडीत चांगल्या वार्ता कानावर येतील.

कन्या : व्यवहार मनाप्रमाणे होतील

जागेचे व्यवहार मनाप्रमाणे होतील. वाहन खरेदी करणार असाल तर त्याचे बेत आखले जातील. एकूण दिवस मनाप्रमाणे घालवावा लागेल.

तूळ : पराक्रमाच्या गोष्टी घडतील

दंडामध्ये टाकत आहे तोपर्यंत अनेक गोष्टी पराक्रमाच्या घडत असतात. आज तोच दिवस आहे. केलेल्या गोष्टी या यशाची कमान घेऊन येणार आहेत.

वृश्चिक : लक्ष्मी प्राप्तीचे उत्तम योग

लक्ष्मी प्राप्तीचे उत्तम योग आज दिसत आहेत. त्यामुळे मन आनंदुन जाईल. केलेले कामाचे यश म्हणजेच पैसा असतो, कलियुगात असे म्हटले जाते. तो आज मिळेल.

धनु : मन सकारात्मक राहील

मन सकारात्मक राहील. आपल्यामुळे इतरांना सुद्धा आनंद होईल. व्यक्तिमत्व चांगले उठावदार असे राहील. नवीन काही गोष्टी करण्याची उमेद असेल.

मकर : खर्चावर नियंत्रण ठेवा

काळजीने कातर व्हाल. अर्थात या गोष्टी तात्पुरत्या आहेत हे लक्षात घ्या. म्हणून विनाकारण काळजी करू नका. खर्चावर नियंत्रण ठेवा.

कुंभ : छान सहकार्य लाभेल

आपले मित्रपरिवार नातेवाईक यांचे छान सहकार्य लाभेल. शेजारी सख्य राहील. जुन्या गोष्टी पुन्हा नव्याने समेटल्या जातील.

मीन : यश प्राप्ती होईल

काम आणि कामाच्या ठिकाणी चांगले यश प्राप्ती होईल. आपले सहकारी आपल्याला कामात मदत करतील कामानिमित्त प्रवास घडण्याचे योग आहेत.