श्री वासुदेव सत्रे

ज्योतिष व वास्तुशास्त्र मार्गदर्शक, मोबाईल नंबर - 9860187085

आजचे राशीभविष्य, ८ जानेवारी २०२६

मेष - कामा प्रती एकनिष्ठ रहा. भरपूर संधी चालून येतील त्याचं सोनं करा. तेल किंवा धातूंचा व्यापार करणाऱ्यांना खूप चांगला दिवस आहे.

वृषभ - परिवाराकडे लक्ष द्या. नातेवाईकांमध्ये गैरसमज होऊ शकतो फार बोलणं टाळावं. आत्ममग्न राहून स्वकार्याकडे लक्ष द्यावं.

मिथुन - कच्च्या कानाचे राहू नका. ऐकलेल्या गोष्टींपेक्षा स्वानुभवावर विश्वास ठेवा. ध्यान धारणा केल्यास मनःशांती लाभेल.

कर्क - नवीन व्यवसाय सुरू करायचा असल्यास आजचा दिवस उत्तम आहे. कुलदेवतेची पुजा करुन सुरुवात करा. गोड फळे खाऊन घराबाहेर पडावं.

सिंह - अपत्यांची चिंता दूर होईल. अपत्यांसोबत प्रेमानं वागा. त्यांच्या दोषांकडे दूर्लक्ष करा. गुरू ची उपासना करावी.

कन्या - घराबाहेर जास्त वेळ जाईल. मित्रमंडळी सोबत वेळ घालवा. खूप काळजी करायची गरज नाही. संपूर्ण जग तूम्ही चालवत नाही.

तूला - आर्थिक व्यवहार जपून करा. उसणे पैसे देणं टाळावं. विशेषतः पत्नीची मनधरणी करावी. गणपतीला दुर्वा अर्पण केल्यास उत्तम.

वृश्चिक - स्वभावातला हेकेखोर पणा सोडा. सद्गुणांचा गुणाकार आणि दूर्गुणांचा भागाकार करा. म्हणजे सगळं आपोआप व्यवस्थित होईल. गरिबांना अन्नदान केल्यास उत्तम.

धनू - परदेशाशी संबंधित नोकरीचे किंवा व्यवसायांचे योग आहेत. दुर्गा देवीची उपासना करावी विशेष लाभ होईल. मौन पाळावे.

मकर - भूतकाळात केलेला एखादा नवस फेडण्यासाठी प्रयत्न करा. लगेच लाभ होईल. कोणालाही शब्द देणं टाळावं. समाजापासून थोडं अलिप्त राहणं योग्य.

कुंभ - नोकरी बदलाचे योग आहेत. भरपूर प्रयत्न करा. अपेक्षित यश मिळेल. "चिंता करितो विश्वाची" हे धोरण सोडा. तूम्ही समर्थ रामदास स्वामी नाही, संसारात आहात याचे भान ठेवा.

मीन - उद्योगांत नवीन संधी चालून येतील. उद्योगाच्या जाहिराती कडे लक्ष द्या, फायदा होईल. कामगारांची मर्जी राखा, सोडून जाऊ शकतात."अहम् ब्रह्मास्मि" हे धोरण व्यवसायात अंगीकृत करा.