सूर्य प्रत्येक महिन्याला एका राशीतून दुसऱ्या राशीत प्रवेश करत असतो. जून महिन्यातही सूर्य नव्या राशीत प्रवेश करणार आहे. यावेळी सूर्य मिथुन राशीत प्रवेश करणार आहे, पण या राशीत गुरू ग्रह देखील प्रवेश करणार आहे. सूर्य मिथून राशीत १५जूनला प्रवेश करतील तेथे साधरण एका महिन्यापर्यंत सूर्यचा तेथे निवास असेल. मिथुन राशीमध्ये देवगुरू गुरू ग्रह आधीपासून विराजमान आहेत. यामुळे या दोन्ही ग्रहांची युती होणार आहे.

सूर्य आणि गुरूच्या युतीचा परिणाम सर्व १२ राशींवर होईल. पण काही भाग्यवान राशींना सूर्य आणि गुरूच्या युतीमुळे शुभ परिणाम मिळतील. सूर्य आणि गुरूच्या युतीमुळे कोणत्या राशींना फायदा होईल ते जाणून घेऊ.

कन्या राशी

सूर्य-गुरूच्या युतीमुळे कन्या राशींच्या जातकांना लाभकारी दिवस येणार आहेत. व्यापरी वर्गातील लोकांना आर्थिक लाभ होण्याची शक्यता आहे. नोकरी करणारे जे जातक असतील त्यांचे प्रमोशन होण्याची शक्यता आहे. तर अनेकांना त्यांचा आत्मविश्वास वाढेल. प्रमोशन मिळाल्यानं मनात नवी उमेद जागी होईल.

जर कोणी भागीदारीमध्ये कोणता व्यवसाय करत असाल तर तुम्हाला फायदा होणार आहे. आर्थिक लाभात वाढ होईल शिवाय व्यवसायाचा विस्तार देखील साध्य करता येणार आहे.

तूळ

तूळ राशीसाठी सूर्य आणि गुरूची युती अनुकूल राहणार आहे. या युतीच्या प्रभावामुळे नोकरदार वर्गाला फायदा होणार आहे. काहींना कामाच्या ठिकाणी पदोन्नती मिळू शकते. व्यापाऱ्यांना नफा होईल. उत्पन्नाचे नवीन मार्ग दिसतील आणि जुन्या मार्गाद्वारे देखील पैसे येणं सुरू राहील. आर्थिक लाभामुळे तुमची आर्थिक स्थिती मजबूत होईल.

मीन

मीन राशीसाठी गुरु आणि सूर्याची युती फायदेशीर ठरणार आहे. या काळात तुमच्या भौतिक सुखसोयींमध्ये वाढ होईल. जमीन, इमारत आणि वाहन खरेदी करण्याची शक्यता आहे. मालमत्तेशी संबंधित प्रकरणांमध्ये तुम्हाला विजय मिळेल. जुन्या गुंतवणुकीतून तुम्हाला चांगले उत्पन्न मिळू शकते. तुमच्या जोडीदारासोबतचे तुमचे नाते अधिक घट्ट होईल. नोकरीत पदोन्नतीसह उत्पन्नात वाढ होऊ शकते.