ज्योतिषशास्त्रात शनिदेव यांना दंडाधिकारी ग्रह मानण्यात येतं. असं मानलं जातं की, शनिदेव प्रत्येकाला त्याच्या कर्मानुसारच फळ देतात. त्याचप्रमाणे शनि हा दुःख, वेदना, रोग, विज्ञान आणि तंत्रज्ञानाचा कारक ग्रह म्हणूनही ओळखला जातो. ज्यावेळी कधी शनीचा राशी बदल अथवा नक्षत्र बदल होतो त्यावेळी त्याचा परिणाम थेट सर्व राशींच्या जीवनावर उमटतो.

यंदाच्या वर्षी दसऱ्याच्या दुसऱ्या दिवशी म्हणजेच ३ ऑक्टोबर रोजी शनीचा नक्षत्र परिवर्तन होणार आहे. सध्या शनि उत्तराभाद्रपदा नक्षत्रात स्थित आहेत. मात्र या दिवशी ते गुरुच्या अधिपत्याखालील पूर्वाभाद्रपदा नक्षत्रात प्रवेश करणार आहेत. त्यामुळे ऑक्टोबरच्या सुरुवातीला होणाऱ्या या बदलामुळे काही राशींना मोठा लाभ होणार आहे.

मिथुन

मिथुन राशीच्या जातकांसाठी शनीचं हे नक्षत्र परिवर्तन अतिशय फायदे शीर ठरणार आहे. करिअर आणि व्यवसायात उन्नती मिळणार आहे. बराच काळ थांबलेला प्रमोशनचा प्रश्न सुटू शकतो. किंवा अडकलेले काम पुढे सरकू शकते. आर्थिक स्थिती सुधारेल. मोठ्या गुंतवणुकीची संधी मिळण्याची शक्यता आहे. कुटुंबासोबतचे संबंध अधिक सुसंवादी होतील.

मकर

मकर राशीच्या व्यक्तींना शनीची ही स्थिती धनलाभ देणारी ठरेल. अचानक मिळणारा फायदा, स्थावर मालमत्तेतून लाभ किंवा पूर्वी अडकलेले पैसे परत मिळू शकतात. परदेशाशी संबंधित कामांमध्येही आनंदवार्ता मिळण्याची शक्यता आहे. विद्यार्थ्यांसाठी हा काळ विशेषतः स्पर्धा परीक्षांत यश मिळवून देणारा ठरेल.

कुंभ

कुंभ राशीसाठी शनीचं हे नक्षत्र परिवर्तन नवीन संधींची दारं उघडणारं ठरेल. थांबलेली कामं पूर्ण होणार आहे. कामाच्या ठिकाणी मोठी जबाबदारी मिळू शकणार आहे. नोकरी बदलण्याचा विचार असेल, तर हा योग्य काळ ठरेल. या काळात भाग्याची साथ मिळेल.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)